زَبُورَا 56 - أَتَّوْرَتْ دَ أَنَّبَاوَا

كُوكَنْ مَيْ دُواْغَضَ غَ اللَّهْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏كُرْثِيَ عَبِسَنْ إِتَاثٜىٰ مَيْ نِسَ؞»‏ زَبُورَا تَ دَاوُدَ؞ إِرِے تَ ‏«‏مِكْتَمْ»‏؞ لُواْكَثِنْ دَ ڢِلِسْتِيَاوَا سُكَ كَامَ شِ عَبِرْنِنْ غَتْ؞﴾

¹ يِمِنِ جِنْڧَيْ، يَا اللَّهْ، غَمَا مُتَنٜىٰ سُنْ تَاسَرْ مِنِ، أَبُواْكَنْ غَابَنَ سُنَ كَٰوُاْ مِنِ هَرِ دُكَنْ يِنِ؞

² دُكَنْ يِنِ مَاسُ ڧِينَ سُنَ تَمَاڟَ مِنِ مَاسُ يَاڧِ دَنِے سُنَدَ يَوَ، سُكَ كُوَيِ دَ طَغَ كَيْ؞

³ دُكْ لُواْكَثِنْدَ نَجِڟُواْرُواْ، ذَنْ دُواْغَضَ غَرٜىٰكَ؞

⁴ يَا اللَّهْ، إِنَ يَبُوانْ مَغَنَرْكَ، كَيْ اللَّهْ نَا، عَكَنْكَ نَكٜىٰ دُواْغَضَ، بَذَنْ جِڟُواْرُواْبَ؞ مٜىٰ مُتُمْ ذَيْ عِيَيِ مِنِ؟

⁵ دُكَنْ يِنِ سُنَ تَجُويَ مَغَنَاتَ، سُنَ تَڧُلّٜىٰ ڧُلّٜىٰ يَدَّ ذَاسُ ثُوثٜىٰنِ؞

⁶ سُنَ حَطَكَيْ، سُنَ تَارُوَ أَوُرَارٜىٰنْ ٻُيَ سُنَ كَلُّوانْ كُواْوَنٜىٰ مَتَاكِنْدَ نَطَوْكَ، سُنَ سَا ذُوثِيَا ذَاسُ كَشٜىٰنِ؞

⁷ يَا اللَّهْ، كَدَ كَبَرْسُ سُكُٻُتَ دَغَ مُغُنْتَارْسُ، أَ ڢُشِنْكَ كَهَلَّكَ ڧَبِيلُنَّنْ!‏

⁸ كَلِسَّڢْتَ إِرِنْ وَهَلَرْ دَ نَكٜىٰ شَا، كَاعَوْنَ يَوَنْ هَوَيٜىٰنَ؞ بَعَرُبُوثٜىٰ سُكٜىٰ عَثِكِنْ لِتَّڢِنْكَبَ؟

⁹ أَ رَانَرْدَ نَيِكِرَا غَرٜىٰكَ أَبُواْكَنْ غَابَنَ ذَاسُ كُواْمَ دَ بَايَ؞ وَنَّنْ كَمْ نَسَنِ، اللَّهْ يَنَ تَرٜىٰدَنِ؞

¹⁰ يَا اللَّهْ، إِنَ يَبُوانْ مَغَنَرْكَ؞ عِ، يَا يَهْوٜىٰهْ، إِنَ يَبُوانْ مَغَنَرْكَ؞

¹¹ كَيْ اللَّهْ نَا، عَكَنْكَ نَكٜىٰ دُواْغَضَ، بَذَنْ جِڟُواْرُواْبَ؞ مٜىٰ مُتُمْ ذَيْ عِيَ يِمِنِ؟

¹² يَا اللَّهْ، ذَنْ ثِكَ ضَنْڟُوَارْدَ نَيِ مَكَ، ذَنْ كَٰوُاْ مَكَ ݣَوْتَاتَ تَنُونَ غُواْدِيَ؞

¹³ غَمَا كَا كُٻُتَرْ دَنِے دَغَ مُتُوَ، كَكِيَايٜىٰ ڧَڢَاڢُنَ دَغَ تُنْتُٻٜىٰ، دُواْمِنْ إِنْيِ تَڢِيَ أَغَبَنْكَ، يَا اللَّهْ، عَثِكِنْ حَصْكٜىٰنْكَ مَيْ بَادَ رَيْ؞