زَبُورَا 55 - أَتَّوْرَتْ دَ أَنَّبَاوَاكُوكَنْ وَنِنْدَ أَبُواْكِنْسَ يَثِ أَمَانَرْسَ ﴿عُمَرْنِ غَ شُوغَبَنْ مَوَاڧَ: عَيِتَ دَ كَايَنْ كَطٜىٰ كَطٜىٰ إِرِنَّمُواْلُواْ؞ زَبُورَا تَ دَاوُدَ؞ إِرِے تَ «مَسْكِلْ»؞﴾ 1 جِ أَدُّعَتَ، يَا اللَّهْ! كَدَ كَڨَلٜىٰ كُوكَنَ نَنٜىٰمَنْ تَيْمَكُواْ! 2 سَوْرَرَتَ، كَاأَمْسَ مِنِ، غَمَا دَامُوَتَ تَسَا نَا غَجِ تِلِسْ؞ 3 حَنْكَلِنَ يَتَاشِ سَبُواْدَ يَوَنْ سُورُوتُنْ مَاسُ ڧِينَ، سَبُواْدَ دَنِّيَرْ مُوغَيٜىٰ؞ غَمَا سُكَنْ جَٰوُاْ مِنِ وَهَلَ، سُنْ كُمَڧِينِ عَثِكِنْ ڢُشِنْسُ؞ 4 ذُوثِيَاتَ تَنَ ثِكِنْ ڟَنَنِنْ عَذَابَ، ڟُواْرُوانْ مُتُوَ يَشَا ڧَرْڢِينَ؞ 5 ڟُواْرُواْ دَ ضَوَرْ جِكِے سُنْ كَامَنِ! نَا ڢِرْغِتَ ڨُورَيْ؞ 6 نَثٜىٰ، «دَمَا عَثٜىٰ إِنَدَ ڢِكَڢِكَيْ كَمَرْ كُرْثِيَ! أَيْ! دَ ذَنْ تَاشِ إِنْتَڢِے إِنْهُوتَ، 7 دَ ذَنْ تَاشِ إِنْتَڢِے وُرِے مَيْ نِيسَ، إِنْيِ وَكَيْنَ غِدَا عَثِكِنْ دَاجِ؞ 8 أَيْ، سَيْ إِنْيِ سَوْرِ إِنْسَامِ وُرِنْ ٻُيَ دَغَ ڧِيَيَّرْ نَنْ مَيْ كَمَ دَ مُوغُوَرْ إِسْكَ دَ هَدَرِ؞» 9 يَا عُبَنْغِجِ، بَرِ كَرُشٜىٰ شِرْيٜىٰ شِرْيٜىٰنْسُ، كَكُمَ رِكِتَرْدَ هَرْشٜىٰنْسُ، غَمَا نَاغَ تَاشِنْ حَنْكَلِ دَ تَاوَيٜىٰ عَبِرْنِنْ؞ 10 دَرٜىٰ دَ رَانَ مَاسُ نٜىٰمَنْ ڢَطَ سُنَ ذَاغَيَ عَكَنْ كَتَنْغَرْ بِرْنِنْ؞ مُغُنْتَادَ ڢَطَ سُنْثِكَ بِرْنِنْ؞ 11 هَلَّكَ تَثِكَ بِرْنِ تَكُواْعِنَ، دَنِّيَ دَ ثُوتَا سُنَ ذَاغَيَ عَتِيتُنَ؞ 12 دَاعَثٜىٰ مَيْ ڧِينَ نٜىٰ يَكٜىٰ مِنِ بَعَ، دَ نَجِمْرٜىٰ؞ دَاعَثٜىٰ أَبُواْكِنْ غَابَنَ نٜىٰ يَكٜىٰ رٜىٰنَنِ، دَ سَيْ إِنْ ٻُيَ مَسَ؞ 13 عَمَّا كَيْنٜىٰ نَكُسَ دَنِے، أَبُواْكِنْ عَيْكِنَ نٜىٰ، أَبُواْكِينَ نَكُرْكُسَ؞ 14 دَا مُكَنْيِ زُمُنْثِ سُواْسَيْ دَمُكٜىٰ تَڢِيَ تَرٜىٰ أَ غِدَنْ اللَّهْ؞ 15 اللَّهْ يَسَا مُتُوَ تَطَوْكِ مَاسُ ڧِينَ بَا لَابَرِ، اللَّهْ يَسَا سُغَنْغَرَ وُرِنْ ذَمَنْ مَتَتُّو دَ رَيْ، غَمَا مُغُنْتَا تَسَامِ وُرِنْ ذَمَ عَثِكِنْسُ؞ 16 نِے دَيْ، نَايِ كِرَا غَ اللَّهْ، يَهْوٜىٰهْ كُوَ يَثٜىٰثٜىٰنِ؞ 17 دَ سَڢٜىٰ دَ رَانَ دَ يَمَّ، نَايِ كُوكَا، نَايِ تَنِيشِ، يَكُوَجِ مُرْيَتَ؞ 18 يَڢَنْشٜىٰنِ دَغَ يَاڧِنْ دَ نَكٜىٰيِ دَ أَبُواْكَنْ غَابَنَ مَاسُيَوَ؞ 19 اللَّهْ وَنْدَ يَكٜىٰ مُلْكِ تُنْدَا، يَجِنِ يَدَنّٜىٰسُ، غَمَا سُنْڧِے سُثَنْجَ كُمَ بَاسَ ڟُواْرُوانْ اللَّهْ؞ 20 أَبُواْكِنَّنْ نَوَ كُوَ يَثِ أَمَانَرْ أَبُواْكَنْسَ، يَكَرْيٜىٰ أَلْڧَوَرِنْسَ؞ 21 مَغَنَرْسَ تَنَدَ ذَاڧِ كَمَرْ ظُمَ، عَمَّا ذُوثِيَارْسَ تَثِكَ دَ ڧِيَيَّ؞ مَغَنَرْسَ تَنَ سَا ذُوثِيَا تَيِ لَوْشِ كَمَرْ مَيْ، عَمَّا تَنَ هَرْبِے كَمَرْ ڧُدَنْ ظُمَ؞ 22 دَنْڧَ وَ يَهْوٜىٰهْ دَامُوَرْكَ، شِيكُوَ ذَيْ لُورَ دَكَيْ، كُواْ كَطَنْ بَذَيْ بَرْ مَاسُ أَدَلْثِے سُجِجِّغُبَ؞ 23 عَمَّا كَيْ، يَا اللَّهْ، ذَاكَ كَوَرْدَ مَاسُ كِسَنْ كَيْ، ذَاكَ جٜىٰڢَرْ دَ مَاسُثِنْ أَمَانَ ثِكِنْ كَبَرِ كَاڢِنْ سُكَيْ رَبِنْ شٜىٰكَرُنْسُ عَدُونِيَا؞ عَمَّا نِے دَيْ ذَنْ دُواْغَضَ غَرٜىٰكَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria