زَبُورَا 54 - أَتَّوْرَتْ دَ أَنَّبَاوَا

كُوكَا غَ اللَّهْ مَيْ شَرِيعَرْ غَسْكِيَ

﴿عُمَرْنِ غَ شُوغَبَنْ مَوَاڧَ:‏ عَيِتَ دَ كَايَنْ كَطٜىٰ كَطٜىٰ إِرِنَّمُواْلُواْ؞ زَبُورَا تَ دَاوُدَ؞ إِرِے تَ ‏«‏مَسْكِلْ»‏؞ لُواْكَثِنْ دَ مُتَنٜىٰنْ يَنْكِنْ ظِڢْ سُكَجٜىٰ وُرِنْ سَرْكِے طَالُوتَ سُكَ غَيَ مَسَ ثٜىٰوَ دَاوُدَ يَنَ ٻُيَ أَڟَكَانِنْسُ؞﴾

¹ يَا اللَّهْ، ثٜىٰثٜىٰنِ تَوُرِنْ إِيكُوانْ سُونَنْكَ!‏ تَوُرِنْ ڧَرْڢِنْكَ نُونَ رَشِنْ لَيْڢِينَ؞

² جِ أَدُّعَتَ، يَا اللَّهْ، كَكَسَ كُنّٜىٰ غَ مَغَنَرْ بَاكِنَ!‏

³ مَاسُ طَغَ كَيْ سُنْ تَاسَرْ مِنِ، مَرَسَ تَوْسَيِ سُنَ نٜىٰمَنْ رَيْنَ، عَثِكِنْ رَايُوَرْسُ بَابُ لِسَّڢِنْ اللَّهْ؞

⁴ غَاشِ، اللَّهْ شِينٜىٰ مَيْ تَيْمَكُواْنَ، عُبَنْ‌غِجِ شِينٜىٰ مَيْ ڟَرٜىٰ رَيْنَ؞

⁵ بَرِ مُغُنْتَارْ مَاسُ ڧِينَ تَكُواْمَ كَنْسُ، ثِكِنْ أَمِنْثِنْكَ، بَرِ كَهَلَكَاسُ؞

⁶ دَ يَرْدَرْ رَيْ ذَنْ مِيڧَ مَكَ هَدَايَتَ، ذَنْ يَبِے سُونَنْكَ، يَا يَهْوٜىٰهْ، غَمَا كَيْ مَيْ أَلْحٜىٰرِنٜىٰ؞

⁷ غَمَا كَا كُٻُتَرْ دَنِے دَغَ كُواْوَثٜىٰ وَهَلَ، عِدَنُونَ كُوَ سُنْ غَ نَصَرَا عَكَنْ مَاسُ ڧِينَ؞