زَبُورَا 50 - أَتَّوْرَتْ دَ أَنَّبَاوَا

إِرِنْ سُجَّدَرْدَ اللَّهْ يَكٜىٰسُواْ

﴿زَبُورَا تَ أَسَڢْ؞﴾

¹ اللَّهْ مَيْ إِيكُواْ دُكَ يَنَ مَغَنَ، يَهْوٜىٰهْ نٜىٰ يَنَ كِرَنْ دُونِيَا دُكَ دَغَ غَبَسْ ذُوَا يَمَّ؞

² دَغَ سِهِيُواْنَ اللَّهْ يَحَصْكَكَا، دَغَ بِرْنِ مَيْ ثِكَكّٜىٰنْ ݣَوْ؞

³ اللَّهْ نْمُ يَنَ ذُوَا، بَ كُوَ ذَيْ يِشِضُبَ، وُتَا مَيْ ثِنْيٜىٰوَ تَنَ أَغَبَنْسَ، بَبَّنْ هَدَرِ كُمَ يَنَ كٜىٰوَيٜىٰ دَشِ؞

⁴ يَنَ كِرَا سَمَ دَ ڧَسَا سُذَمَ شَيْدُ غَا يَدَّ ذَيْ يِوَمُتَنٜىٰنْسَ شَرِيعَ؞

⁵ يَنَ ثٜىٰوَ ‏«‏تَتَّارَ مِنِ مَاسُ ڧَوْنَتَ، مَاسُ يِنْ يَرْجٜىٰجٜىٰنِيَ دَنِے تَوُرِنْ مِيڧَ هَدَايَ!‏»‏

⁶ سَرَرِنْ سَمَ يَنَ يِنْ شٜىٰلَ، ‏«اللَّهْ شِينٜىٰ مَيْ أَدَلْثِے، شِينٜىٰ مَيْيِنْ شَرِيعَ؞»‏

⁷ ‏«‏كُسَوْرَرَ، يَا جَمَعَتَ، ذَنْيِ مَغَنَ، يَا إِسْرَٰٓءِيلَ، ذَنْبَادَ شَيْدَ ثٜىٰوَ كُنَدَ لَيْڢِے؞ نِنٜىٰ اللَّهْ، اللَّهْ نْكُ؞

⁸ بَانَ ڟَاوَتَا مُكُ سَبُواْدَ هَدَايَرْكُ، كُواْ سَبُواْدَ هَدَايَرْكُ تَڧُواْنَاوَا وَطَنْدَ كُكٜىٰ مِيڧَ مِنِ كُلُّمْ؞

⁹ بَانَ كَرْٻَرْ بِجِمَيْ دَغَ غِدَنْكُ، كُواْ أَوَكِ دَغَ غَرْكٜىٰنْكُ؞

¹⁰ غَمَا كُواْوَنٜىٰ دَبَّرْ كُرْمِ نَوَنٜىٰ، دَ شَانُو عَكَنْ دُبَّنْ تُدَّيْ؞

¹¹ نَسَنْ كُواْوَنٜىٰ ڟُنْڟُ أَسَرَرِنْ سَمَ، دُكَنْ أَبُبُوَ مَاسُ رَيْ عَڧَسَا، نَوَنٜىٰ؞

¹² عِدَنْ مَا إِنَجِنْ يُنْوَ، بَذَنْ ضُواْڧٜىٰكُ عَبِنْثِ بَ، غَمَا دُونِيَا دَ دُكْ أَبِنْدَ يَكٜىٰ ثِكِنْتَ، نَوَنٜىٰ؞

¹³ إِنَ ثِنْ نَامَنْ بِجِمَيْ نٜىٰ، كُواْ إِنَ شَنْ جِنِنْ أَوَكِ نٜىٰ؟

¹⁴ كُكَٰوُاْ وَ اللَّهْ ݣَوْتَرْكُ تَنُونَ غُواْدِيَ، كُثِكَ ضَنْڟُوَارْ دَ كُكَيِ وَ مَڢِے طَوْكَكَ؞

¹⁵ كُكِرَا غَرٜىٰنِ أَ لُواْكَثِنْ وَهَلَ، ذَنْ كُٻُتَرْ دَكُو، كُو كُوَ ذَاكُ طَوْكَكَنِ؞»‏

¹⁶ عَمَّا اللَّهْ يَثٜىٰ وَمُوغَيٜىٰ، ‏«‏وَنٜىٰ یَنْثِ كُكٜىٰ دَشِ حَرْ دَ ذَاكُ مَيْمَيْتَ ڧَٰعِدُواْدِنَ، حَرْ بَاكِنْكُ سُيِ ذَنْثٜىٰنْ يَرْجٜىٰجٜىٰنِيَتَ؟

¹⁷ غَاشِ، كُنْڧِ يَرْدَ إِنْهُواْرٜىٰكُ، كُكَ جُويَا وَ عُمَرْنَيْنَ بَايَ؞

¹⁸ عِدَنْ كُنْ غَا ٻَرَوُاْ، كُكَنْيِ أَبُواْكَنْتَكَ دَشِ، كُكَنْ حَطَكَيْ دَ مَاسُ ظِنَ؞

¹⁹ كُكَنْ سَكٜىٰ بَاكِنْكُ دُوانْ ڢَطِنْ مُغُنْتَا، هَرْسُنَنْكُ سُنَ ثِكٜىٰ دَ ڧَضْيَا؞

²⁰ عَكَنْ طَنْعُوَنْكُ كُكَنْ شِرْيَ مُوغُوَرْ مَغَنَ، كُنَ ٻَاتَ سُونَنْ طَنْ مَامَرْكُ؞

²¹ كُنْيِ دُكَنْ وَطَنَّنْ، نَيِ شِضُ، سَيْ كُكَ طَوْكَنِ كَمَرْكُنٜىٰ؞ عَمَّا يَنْذُ ذَنْ ڟَاوَتَا مُكُ، ذَنْ ڢَطَا مُكُ لَيْڢِنْكُ أَعِدُوانْكُ؞

²² كُلُورَ ڢَا، كُو دَ كُكَ مَنْتَادَ اللَّهْ، إِنْ بَهَكَبَ ذَنْ يَيَّاغٜىٰكُ، بَابُوَنْدَ ذَيْ كُٻُتَرْ دَكُو؞

²³ ‏«‏دُكْ وَنْدَ يَكَٰوُاْ ݣَوْتَا تَنُونَ غُواْدِيَ، يَنَ غِرْمَمَنِ؞ غَ وَنْدَ يَدَيْدَيْتَ أَلْعَمُرَنْسَ، ذَنْ نُونَ مَسَ ثٜىٰتُوانْ اللَّهْ؞»‏