زَبُورَا 5 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ

﴿عُمَرْنِ غَ شُوغَبَنْ مَوَاڧَ:‏ عَيِتَ تَرٜىٰدَ بُوسَرْ سَرٜىٰوَ؞ زَبُورَا تَ دَاوُدَ؞﴾

¹ يَا يَهْوٜىٰهْ، كَسَ كُنّٜىٰ غَ مَغَنَاتَ، كَكُمَ جِ تُنَانِنْ ذُوثِيَاتَ؞

² سَوْرَرِ كُوكَنَ نَنٜىٰمَنْ تَيْمَكُواْ، يَا سَرْكِينَ دَ اللَّهْ نَا!‏ غَمَا أَغَرٜىٰكَ نٜىٰ نَكٜىٰ أَدُّعَ؞

³ كُواْوَثٜىٰ سَاڢِيَ كَكَنْ جِ مُرْيَتَ؞ دَ ڢِتُواْوَرْ رَانَ نَكَنْ مِيڧَ أَدُّعَتَ إِنْكُمَ جِرَا أَمْسَرْكَ، يَا يَهْوٜىٰهْ؞

⁴ غَمَا كَيْ بَ اللَّهْ مَيْ جِنْ دَاطِنْ مُغُنْتَا بَنٜىٰ؞ بَاكَ بَرِنْ مُوغَيٜىٰ سُكَسَنْثٜىٰ أَغَبَنْكَ؞

⁵ مَاسُ طَغَ كَيْ بَذَاسُ عِيَ ڟَيَاوَا أَغَبَنْكَ بَ، كَنَ ڧِنْ دُكَنْ مَاسُ يِنْ مُغُنْتَا؞

⁶ كَكَنْ هَلَّكَ دُكَنْ مَاسُ ڧَضْيَا، كَنَ ڨَمَرْ مَاسُ ظُبْدَ جِنِ دَ مَاسُ رُوطِ؞

⁷ عَمَّا نِے دَيْ، سَبُواْدَ يَوَنْ ڧَوْنَرْكَ مَرَرْ ثَنْجَاوَا، ذَنْ شِغَ غِدَنْكَ، إِنْيِ سُجَّدَ عَثِكِنْ هَيْكَلِنْكَ مَيْ ڟَرْكِے، إِنْكُمَ دُرْڧُسَ أَغَبَنْكَ دَ بَنْ غِرْمَ؞

⁸ يَا يَهْوٜىٰهْ، كَبِے دَنِے تَهَنْيَرْ أَدَلْثِنْكَ، غَمَا أَبُواْكَنْ غَابَنَ سُنْيِيَوَ؞ كَبَيَّنَ مِنِ حَنْيَرْكَ أَ ڢِيلِ دُواْمِنْ إِنْبِے؞

⁹ بَاكِنْسُ، بَابُ غَسْكِيَ، ذُوثِيَارْسُ ثِكٜىٰ دَ تُنَانِنْ هَلَّكَ، دَغَ مَڧُواْڠُورُوانْسُ، كَلْمُواْمِنْ هَلَّكَ، دَغَ هَرْشٜىٰنْسُ، مَغَنْ‌غَنُنْ مُنَاڢُنْثِ؞

¹⁰ يَا اللَّهْ، بَسُ لَيْڢِے، سَا مُوغُنْ شِرِنْسُ يَكُواْمَ عَكَنْسُ؞ كَوَرْ دَسُو دَغَ غَبَنْكَ سَبُواْدَ يَوَنْ ذُنُوبِنْ غَنْ‌غَنْثِنْسُ، غَمَا سُنْيِ مَكَ تَاوَيٜىٰ؞

¹¹ عَمَّا بَرِ دُكْ مَاسُ ٻُيَ أَوُرِنْكَ سُيِ ڢَضٍ ثِكِ؞ بَرِ سُدِنْ‌غَ رٜىٰرَاوَ دُوانْ ڢَضٍ ثِكِ؞ كَرُڢٜىٰسُ دَ ڢِكَڢِكَنْكَ، دُوانْ مَاسُ ڧَوْنَرْ سُونَنْكَ سُيِ مُرْنَ سَبُواْدَكَيْ؞

¹² يَا يَهْوٜىٰهْ، حَڧِيڧَ، كَأَلْبَرْكَثِ مَاسُ أَدَلْثِے!‏ أَلْحٜىٰرِنْكَ يَنَ ڟَرٜىٰسُ كَمَرْ غَرْكُوَ؞