زَبُورَا 47 - أَتَّوْرَتْ دَ أَنَّبَاوَا

وَاڧَ غَ اللَّهْ مَيْ مُلْكٍ دُكَنْ دُونِيَا

﴿عُمَرْنِ غَ شُوغَبَنْ مَوَاڧَ:‏ زَبُورَا تَ یَیَ مَظَا نَ ڧَارُونَ؞﴾

¹ تَڢَ حَنُّوَنْكُ، يَا كُو ڧَبِيلُ دُكَ!‏ يِكِرَرِ غَ اللَّهْ دَ وَاڧُواْڧِنْ ڢَضٍ ثِكِ!‏

² يَهْوٜىٰهْ مَڢِے طَوْكَكَ نٜىٰ، أَبِنْ ڟُواْرُواْ نٜىٰ، شِ بَبَّنْ سَرْكِينٜىٰ، مَيْ مُلْكٍ دُكَنْ دُونِيَا؞

³ يَبَامُ نَصَرَا عَكَنْ ڧَبِيلُ، يَسَا أَلْعُمَّيْ ڧَرْڧَشِنْ ڧَڢَاڢُنْمُ؞

⁴ يَذَاٻَا مَنَ ڧَسَرْ غَادُوانْمُ، عِتَثٜىٰ أَبِنْ تَاڧَمَرْ جَمَعَرْسَ، ذُرِيَرْ يَعْڧُوبَ وَدَّ يَكٜىٰ ڧَوْنَ؞

⁵ اللَّهْ يَنَ هَوْرَ كُجٜىٰرَرْ مُلْكِنْسَ أَنَ تَادَ مُرْيُواْيِنْ ڢَضٍ ثِكِ، أَنَ بُوسَ ڧَهُواْ يَايِنْ دَ يَهْوٜىٰهْ يَكٜىٰ هَوْرَاوَا؞

⁶ رٜىٰرَ يَبُواْ غَ اللَّهْ، كُرٜىٰرَ يَبُواْ!‏ رٜىٰرَ يَبُواْ غَ سَرْكِنْمُ، كُرٜىٰرَ يَبُواْ!‏

⁷ غَمَا اللَّهْ شِينٜىٰ سَرْكِے نَدُكَنْ دُونِيَا، أَ رٜىٰرَ مَسَ وَاڧُواْڧِنْ يَبُواْ؞

⁸ اللَّهْ يَنَ عَكَنْ كُجٜىٰرَرْ مُلْكِنْسَ مَيْ ڟَرْكِے، اللَّهْ يَنَ مُلْكِ عَكَنْ أَلْعُمَّيْ؞

⁹ شُوغَبَنِّنْ ڧَبِيلُ سُنْ تَارُ، سُنْ حَطُ تَرٜىٰدَمُو، مُو جَمَعَرْ اللَّهْ نَ إِبْرَٰهِيمْ، غَمَا دُكَنْ سَرَاكُنَنْ دُونِيَا نَ اللَّهْ نٜىٰ، اللَّهْ وَنْدَ ذَاعَ طَوْكَكَ ڨُورَيْ؞