زَبُورَا 46 - أَتَّوْرَتْ دَ أَنَّبَاوَا

وَاڧَرْ تَبَّثِنْ اللَّهْ وُرِنْ ٻُيَنْمُنٜىٰ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ مُرْيَرْ ‏«‏أَلَمُواتْ»‏؞ زَبُورَا تَ یَیَ مَظَا نَ ڧَارُونَ؞ وَاڧَثٜىٰ؞﴾

¹ اللَّهْ شِينٜىٰ وُرِنْ ٻُيَنْمُ دَ ڧَرْڢِنْمُ، تَيْمَكُوانْمُ نَكُرْكُسَ لُواْكَثِنْ وَهَلَ؞

² سَبُواْدَ حَكَ بَذَامُ جِڟُواْرُواْبَ كُواْ دَ ڧَسَا تَا غِرْغِظَ، كُواْ دَ دُوَڟُو سُنْ ڢَاطِ عَثِكِنْ ظُرْڢِنْ تٜىٰكُ،

³ كُواْ دَ تٜىٰكُنَ سُنْ تَڢَسَ، سُنْيِ هَوْكَ، كُواْ دَ تُدَّيْ سُنْ غِرْغِظَ سَبُواْدَ ضَوَرْ ڧَسَا؞

⁴ أَݣَويْ كُواْغِ مَيْ غُدُ ثِكِنْ بِرْنِنْ اللَّهْ، ضُوَيٜىٰنْسَ سُنَ كَٰوُاْ ڢَضٍ ثِكِ غَ بِرْنِنْ، وُرِنْ ذَمَ مَيْ ڟَرْكِے نَ مَڢِے طَوْكَكَ؞

⁵ اللَّهْ يَنَ عَثِكِنْ بِرْنِنْ، بَذَاعَ تَٻَ بِرْنِنْبَ سَمْ!‏ دَ سَسَّڢٜىٰ اللَّهْ ذَيْ تَيْمَكٜىٰشِ؞

⁶ أَلْعُمَّيْ سُنْ ڟُواْرَتَ، مُلْكُواْكِ سُكَ غِرْغِظَ؞ دَ اللَّهْ يَيِ ڟَاوَ، دُونِيَا تَنَرْكٜىٰ؞

⁷ يَهْوٜىٰهْ مَيْ ضُنْدُنَا يَنَ تَرٜىٰدَمُو، اللَّهْ نَ يَعْڧُوبَ شِينٜىٰ وُرِنْ ٻُيَنْمُ؞

⁸ ذُواْ كُغَ أَبِنْدَ يَهْوٜىٰهْ يَيِ، كُدُوبَ أَبُبُوَنْ بَنْ ڟُواْرُواْ، أَبُبُوَنْدَ يَعَيْكَتَ عَدُونِيَا؞

⁹ يَڟَيْ دَ يَاڧٜىٰ يَاڧٜىٰ أَدُكَنْ دُونِيَا، يَكَكَّرْيٜىٰ بَكَ، يَلَلَتَرْدَ مَاشِ، يَڧُواْنٜىٰ غَرْكُوَ دَ وُتَا؞

¹⁰ يَثٜىٰ ‏«‏كُدَيْنَ ڢَطَ!‏ كُسَنِ ثٜىٰوَ نِنٜىٰ اللَّهْ؞ ذَاعَ طَوْكَكَ نِے ثِكِنْ أَلْعُمَّيْ، ذَاعَ طَوْكَكَ نِے عَدُونِيَا؞»‏

¹¹ يَهْوٜىٰهْ مَيْ ضُنْدُنَا يَنَ تَرٜىٰدَمُو، اللَّهْ نَ يَعْڧُوبَ شِينٜىٰ وُرِنْ ٻُيَنْمُ؞