زَبُورَا 43 - أَتَّوْرَتْ دَ أَنَّبَاوَا

كُوكَنْ مَرْمَرِنْ اللَّهْ عَبَڧُوَرْ ڧَسَا

¹ يَا اللَّهْ، نُونَ رَشِنْ لَيْڢِينَ، كَكُمَ نٜىٰمَ مِنِ حَكِّنَ دَغَ أَلْعُمَّيْ مَرَسَ حَلِنْكَ؞ ثٜىٰثٜىٰنِ دَغَ مَاسُ رُوطُ دَ مَاسُ ثُوتَا!‏

² غَمَا كَيْنٜىٰ اللَّهْ، كَيْنٜىٰ وُرِنْ ٻُيَنَ، دُوانْمٜىٰ كَيَاشٜىٰنِ؟ دُوانْمٜىٰ إِنَ تَڢِيَ دَ بَڧِنْ ثِكِ سَبُواْدَ دَنِّيَرْ أَبُواْكَنْ غَابَنَ؟

³ عَيْكُواْ دَ حَصْكٜىٰنْكَ دَ غَسْكِيَرْكَ، كَسَا سُبِيدَنِ؞ كَسَا سُدَاوُاْ دَنِے عَتُدُنْكَ مَيْ ڟَرْكِے، سُدَاوُاْ دَنِے أَوُرِنْ ذَمَنْكَ؞

⁴ سَعَنً ذَنْجٜىٰ بَغَدٜىٰنْكَ، يَا اللَّهْ، أَغَرٜىٰكَ، يَا اللَّهْ، تُوشٜىٰنْ ڢَضٍ ثِكِنَ؞ ذَنْ يَبٜىٰكَ دَ مُواْلُواْ، يَا اللَّهْ، اللَّهْ نَا؞

⁵ دُوانْمٜىٰ ذُوثِيَاتَ تَٻَثِ؟ دُوانْمٜىٰ نَدَامُ حَكَ؟ ذَنْسَا ذُوثِيَاتَ غَ اللَّهْ، ذَنْ سَاكٜىٰيَبُوانْسَ، مَيْ ثٜىٰتُواْنَ دَ كُمَ اللَّهْ نَا؞