زَبُورَا 42 - أَتَّوْرَتْ دَ أَنَّبَاوَا

لِتَّڢِ نَبِيُ ﴿زَبُورَا 42‏—72﴾ كُوكَنْ مَرْمَرِنْ اللَّهْ عَبَڧُوَرْ ڧَسَا

﴿عُمَرْنِ غَ شُوغَبَنْ مَوَاڧَ:‏ زَبُورَا تَ یَیَ مَظَا نَ ڧَارُونَ؞ إِرِے تَ ‏«‏مَسْكِلْ؞»‏﴾

¹ كَمَرْ بَرٜىٰوَ تَكٜىٰ مَرْمَرِنْ ضُوً رَاڢِ، حَكَ رَيْنَ يَكٜىٰ مَرْمَرِنْكَ، يَا اللَّهْ؞

² كَمَرْ مَيْ جِنْ ڧِشِنْ ضُوَ، حَكَ رَيْنَ يَكٜىٰ مَرْمَرِنْكَ، يَا اللَّهْ، اللَّهْ مَيْ رَيْ؞ يَوْشٜىٰ ذَنْ ذُواْ إِنْ غَ ڢُسْكَرْكَ، يَا اللَّهْ؟

³ دَرٜىٰ دَ رَانَ كُوكَا نَكٜىٰيِ، هَوَيٜىٰ كَطَيْ نٜىٰ عَبِنْثِنَ؞ دُكَنْ يِنِ مَاسُ ڧِينَ سُنَ تَمْبَيَاتَ، ‏«‏إِنَا اللَّهْ نَّنْ نَاكَ؟»‏

⁴ سَعَدَّ نَتُنَ دَ وَطَنَّنْ، رَيْنَ يَكَنْ ٻَثِ، يَدَّ دَا نَكَنْيِ تَڢِيَ تَرٜىٰدَ جَمَعَ، إِنَ كُمَ بِيدَ تَارُوانْ بِكِ أَ جٜىٰرٜىٰ ذُوَا غِدَنْ اللَّهْ، ثِكِنْ وَاڧُواْڧِنْ غُواْدِيَ دَ ڢَضٍ ثِكِ؞

⁵ دُوانْمٜىٰ رَيْنَ يَٻَثِ؟ دُوانْمٜىٰ نَدَامُ حَكَ؟ ذَنْسَا ذُوثِيَاتَ غَ اللَّهْ، ذَنْ سَاكٜىٰ يَبُوانْسَ، مَيْ ثٜىٰتُواْنَ دَ كُمَ اللَّهْ نَا؞

⁶ رَيْنَ يَٻَثٜىٰ ڨُورَيْ؞ سَبُواْدَ حَكَ ذَنْ تُنَ دَ أَلْحٜىٰرَنْكَ عَيَنْكِنْ يُواْدَنْ، دَ بَبَّنْ تُدُنْ هَرْمُوانْ، دَ تُدُنْ مِظَرْ؞

⁷ وَهَلُواْلِنَ كَمَرْ ظُرْڢَڢَّنْ ضُوَ سُنَ كِرَنْ جُونَ دُواْمِنْ سُݣُوشٜىٰنِ، دُكَنْ رَاڧُمَنْ ضُوَنْكَ كُمَ سُنْ شَا كَيْنَ؞

⁸ دَ رَانَ يَهْوٜىٰهْ يَكَنْ نُونَ مِنِ ڧَوْنَرْسَ مَرَرْ ثَنْجَاوَا، دَ دَرٜىٰ ذَنْ رٜىٰرَ مَسَ وَاڧَا، وَاڧَرْ أَدُّعَ غَ اللَّهْ مَيْ رَيْنَ؞

⁹ نَثٜىٰ وَ اللَّهْ، دُوڟٜىٰنْ ٻُيَنَ، ‏«‏دُوانْمٜىٰ كَمَنْتَادَنِے؟ دُوانْمٜىٰ ذَنْ ثِيغَبَدَ بَڧِنْ ثِكِ سَبُواْدَ دَنِّيَرْ أَبُواْكَنْ غَابَنَ؟»‏

¹⁰ مَغَنَرْ مَاسُ ڧِينَ تَسُواْكٜىٰنِ كَمَرْ تَكُواْبِے عَڧَسُسُوَنَ، يَايِنْ دَسُكٜىٰ تَثٜىٰمِنِ، ‏«‏إِنَا اللَّهْ نَّنْ نَاكَ؟»‏

¹¹ دُوانْمٜىٰ رَيْنَ يَٻَثِ؟ دُوانْمٜىٰ نَدَامُ حَكَ؟ ذَنْسَا ذُوثِيَاتَ غَ اللَّهْ، ذَنْ سَاكٜىٰيَبُوانْسَ، مَيْ ثٜىٰتُواْنَ دَ كُمَ اللَّهْ نَا؞