زَبُورَا 41 - أَتَّوْرَتْ دَ أَنَّبَاوَا

كُوكَا لُواْكَثِنْ رَشِنْ لَاڢِيَ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ مَيْ أَلْبَرْكَ نٜىٰ وَنْدَ يَكٜىٰ كُلَ دَ مَرَسَ ڧَرْڢِے، يَهْوٜىٰهْ ذَيْثٜىٰثٜىٰشِ أَ لُواْكَثِنْ وَهَلَ؞

² يَهْوٜىٰهْ ذَيْ ڟَرٜىٰشِ يَكُمَ كِيَايٜىٰ رَنْسَ، عَثِكِنْ ڧَسَرْ، ذَاعَ ثٜىٰ دَشِ مَيْ أَلْبَرْكَ؞ يَهْوٜىٰهْ بَذَيْ يَاشٜىٰشِ أَ حَنُّنْ مَاسُ ڧِنْسَبَ؞

³ يَهْوٜىٰهْ ذَيْبَاشِ ڧَرْڢِے سَعَدَّ يَكٜىٰ ثِيوُاْ، ذَيْ وَرْكَرْدَشِ دَغَ رَشِنْ لَاڢِيَرْسَ؞

⁴ نِے دَيْ نَثٜىٰ ‏«‏يِمِنِ جِنْڧَيْ، يَا يَهْوٜىٰهْ، كَوَرْكَرْ دَنِے، غَمَا نَا سَنِ نَيِ مَكَ ذُنُوبِ؞»‏

⁵ دَ ڧِيَيَّرْ ذُوثِيَا، مَاسُ ڧِينَ سُنَ مَغَنَ عَكَيْنَ سُنَثٜىٰوَ ‏«‏يَوْشٜىٰ ذَيْ مُتُ أَمَنْتَادَ سُونَنْسَ؟»‏

⁶ عِدَنْ وَنِنْسُ يَذُواْ غَنِينَ، بَايَ ڢَطِنْ غَسْكِيَ، يَكَنْ تَارَ مُوغُنْ لَابَرِ عَكَيْنَ، دَظَرَرْ يَڢِتَ سَيْ يَبَظَشِ كُواْعِنَ؞

⁷ دُكَنْ مَاسُ ڧِينَ سُنَ تَمَغَنْ‌غَنُ دَ جُونَنْسُ عَكَيْنَ، عَثِكِنْ ذُوثِيَارْسُ مُوغُوَرْ ڢَتَ سُكٜىٰيِ مِنِ؞

⁸ سُكَنْ ثٜىٰ ‏«‏مُوغُنْ ثِيوُاْ يَكَامَشِ، بَذَيْ تَٻَ تَاشِ دَغَ غَدُوانْسَبَ كُمَ؞»‏

⁹ حَرْ دَ ثِكَكّٜىٰنْ أَبُواْكِينَ مَا وَنْدَ نَڢِ أَمِنْثٜىٰوَ دَشِ، وَنْدَ مُكٜىٰ ثِنْ عَبِنْثِ تَرٜىٰ، يَجُويَ يَنَ غَابَادَنِے؞

¹⁰ عَمَّا كَيْ، يَا يَهْوٜىٰهْ، يِمِنِ جِنْڧَيْ كَوَرْكَرْ دَنِے، ذَنْ كُوَ سَاكَ وَ أَبُواْكَنْ غَابَنَ؞

¹¹ تَهَكَنٜىٰ ذَنْ سَنْ ثٜىٰوَ كَيَرْدَ دَنِے، دَيَكٜىٰ أَبُواْكِنْ غَابَنَ بَيْ ثِنَصَرَا عَكَيْنَبَ؞

¹² كَنَ رِڧٜىٰ دَنِے سَبُواْدَ غَسْكِيَتَ أَ ظُوثِ، كَسَا إِنْ كَسَنْثٜىٰ أَغَبَنْكَ حَرْ أَبَدَا؞

¹³ أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ حَرْ أَبَدَا أَبَدِنْ!‏ أَمِينْ!‏ أَمِينْ!‏