زَبُورَا 40 - أَتَّوْرَتْ دَ أَنَّبَاوَا

وَاڧَرْ يَبُواْ دَ تَبَڧِنْ ثِكِ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ دَ حَڧُرِ، نَيِ تَسَا ذُوثِيَا غَ يَهْوٜىٰهْ، يَجُويُواْ غَرٜىٰنِ يَجِ كُوكَنَ؞

² يَڢِتَرْ دَنِے دَغَ رَامِ مَيْ سَنْڟِ، دَغَ لَاكَ دَ تَٻُواْ؞ يَأَجِيٜىٰ ڧَڢَاڢُنَ عَكَنْ دُوڟٜىٰ، عِنْدَ نَ عِيَ ڟَيَاوَا دَرَمْ؞

³ يَسَ سَابُوَرْ وَاڧَا عَبَاكِنَ، وَاڧَرْ يَبُواْ غَ اللَّهْ نْمُ؞ مُتَنٜىٰ دَيَوَ ذَاسُ غَ وَنَّنْ، سُجِڟُواْرُواْ، سُكُمَ دُواْغَضَ غَ يَهْوٜىٰهْ؞

⁴ مَيْ أَلْبَرْكَ نٜىٰ مَيْ دُواْغَضَ غَ يَهْوٜىٰهْ، وَنْدَ بَايَ شَعَوَرْ مَاسُ طَغَ كَيْ، كُواْ يَجُويَ غَ مَاسُبِنْ إِيكُواْكِنْ ڧَضْيَابَ؞

⁵ يَا يَهْوٜىٰهْ اللَّهْ نَا، أَيُّكَنْكَ نَبَنْ مَامَاكِ سُنَدَ يَوَ!‏ شِرْيٜىٰ شِرْيٜىٰنْكَ غَرٜىٰمُ سُنْڢِے غَبَنْ ڧِرْغٜىٰ!‏ كُواْ دَ نَسُواْ إِنْيِ شٜىٰلَرْسُ، كُواْ إِنْ بَادَ لَابَرِنْسُ، يَوَنْسُ سُنْڢِے غَبَنْ ڧِرْغٜىٰ!‏

⁶ بَكَ ضُواْڧِ هَدَايُ كُواْ بَيٜىٰ بَيٜىٰبَ، بَكَ نٜىٰمِ هَدَايَرْ ڧُواْنَاوَا كُواْ هَدَايَ تَوَنْكٜىٰ ذُنُوبِبَ؞ عَمَّا كَابَانِ كُنُّوَ دُواْمِنْ إِنْسَوْرَرٜىٰكَ؞

⁷ سَعَنً نَثٜىٰ ‏«‏غَانِنَنْ؞ أَنْ رُبُوتَ غَمٜىٰدَنِ أَ لِتَّڢِنْكَ ثٜىٰوَ

⁸ إِنَ مَرْمَرِ إِنْ عَيْكَتَ نُڢِنْكَ، يَا اللَّهْ نَا، غَمَا كُواْيَرْوَرْكَ أَرُبُوثٜىٰ تَكٜىٰ أَ ذُوثِيَاتَ؞»‏

⁹ عَثِكِنْ تَارُوانْ دُكَنْ جَمَعَرْكَ، نَيِ شٜىٰلَرْ أَدَلْثِنْكَ، كَا دَيْ سَنِ بَنْ رُڢٜىٰ بَاكِنَبَ، يَا يَهْوٜىٰهْ؞

¹⁰ بَنْ ٻُواْيٜىٰ لَابَرِنْ ثٜىٰتُوانْكَ وَكَيْنَ كَطَيْبَ، كُلُّمْ إِنَ مَغَنَرْ أَمِنْثِنْكَ دَ إِيكُوانْ ثٜىٰتُوانْكَ؞ بَنْ كَاسَ مَغَنَرْ ڧَوْنَرْكَ مَرَرْ ثَنْجَاوَا دَ أَمِنْثِنْكَ أَغَبَنْ تَارُوانْ جَمَعَرْكَبَ؞

¹¹ يَا يَهْوٜىٰهْ، كَدَ كَدَيْنَ يِمِنِ جِنْڧَيْ؞ بَرِ ڧَوْنَرْكَ مَرَرْ ثَنْجَاوَا دَ أَمِنْثِنْكَ سُكِيَايٜىٰنِ؞

¹² غَمَا مَسِيڢُ سُنْ كٜىٰوَيٜىٰنِ، سُنْ وُثٜىٰ ڧِرْغٜىٰ!‏ ذُنُبَيْنَ سُنْ شَا ڧَرْڢِينَ، حَرْ بَانَ عِيَ غَنِ؞ سُنْڢِے غَاشِنْ كَيْنَ يَوَ، حَرْ مَا نَڢِدَّ ذُوثِيَا؞

¹³ يَا يَهْوٜىٰهْ، إِنْ يَغَمْشٜىٰكَ، كَكُٻُتَرْ دَنِے!‏ يَا يَهْوٜىٰهْ، يِمَذَمَظَا كَتَيْمَكٜىٰنِ!‏

¹⁴ بَرِ مَاسُ نٜىٰمَ سُكَشٜىٰنِ سُشَا كُنْيَا سُكُمَ رُوطٜىٰ غَبَاطَيَ؞ بَرِ مَاسُ جِنْ دَاطِنْ وَهَلَاتَ سُكُواْمَ دَ بَايَ ثِكِنْ كُنْيَا؞

¹⁵ بَرِ مَاسُ ثٜىٰمِنِ ‏«‏يَوَّ!‏ يَوَّ!‏»‏ سُرَسَ أَبِنْ ڢَطَا سَبُواْدَ كُنْيَا؞

¹⁶ عَمَّا بَرِ دُكَنْ مَاسُ نٜىٰمَنْكَ سُثِكَ دَ ڢَضٍ ثِكِ دَ مُرْنَ!‏ بَرِ مَاسُ ڧَوْنَرْ ثٜىٰتُوانْكَ سُدِنْ‌غَ ثٜىٰوَ ‏«‏يَهْوٜىٰهْ مَيْغِرْمَنٜىٰ!‏»‏

¹⁷ عَمَّا نِے دَيْ مَتَلَوْثِ نٜىٰ كُمَ مَيْ بُڧَاتَ، عُبَنْ‌غِجِ، بَرِ كَتُنَ دَنِے؞ كَيْ نٜىٰ مَيْ تَيْمَكُواْنَ دَ مَيْ ثٜىٰتُواْنَ، يَا اللَّهْ نَا، يِسَوْرِ كَتَيْمَكٜىٰنِ!‏