زَبُورَا 39 - أَتَّوْرَتْ دَ أَنَّبَاوَا

كُوكَنْ نٜىٰمَنْ جِنْڧَيْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ وَاڧَرْ يٜىٰدُتُنْ؞ زَبُورَا تَ دَاوُدَ؞﴾

¹ نَثٜىٰ ‏«‏ذَنْيِ حَنْكَلِ دَ حَنْيَتَ، بَذَنْيِ ذُنُوبِ دَ هَرْشٜىٰنَبَ؞ ذَنْ كَمٜىٰ بَاكِنَ سَعَدَّ مُوغَيٜىٰ سُكٜىٰ كُسَ؞»‏

² نَكَمٜىٰ بَاكِنَ، بَنْ ثٜىٰ كُواْمٜىٰبَ؞ كُواْ دَ نَيِ شِضُ، بَيْ تَيْمَكٜىٰنِ بَ، وَهَلَاتَ سَيْ ڧَارُوَ تَكٜىٰيِ؞

³ ذُوثِيَاتَ تَيِ تَڧُونَ عَثِكِنَ، دَ نَدِنْ‌غَ تُنَانِ ڧُونَتَ تَيِ تَڧَارُوَ؞ أَبِنْ يَكَيْ دُواْلٜىٰ إِنْيِ مَغَنَ؞

⁴ ‏«‏يَا يَهْوٜىٰهْ، سَا إِنْ سَنْ يَوَنْ ݣُونَكِنَ؞ يَوْشٜىٰ ذَنْ مُتُ؟ نُونَ مِنِ سَوْرِنْ وُثٜىٰوَرْ ݣُونَكِنَ؞

⁵ ‏«‏غَاشِ، يَوَنْ ݣُونَكِنْ رَيْنَ كَطَنْ نٜىٰ كَوَيْ، أَوُرِنْكَ شٜىٰكَرُنَ بَوَنِ أَبُ بَنٜىٰ؞ حَڧِيڧَ، كُواْوَنٜىٰ مَيْ رَيْ يأَنَانً كَمَرْ إِسْكَ مَيْ وُثٜىٰوَ؞

⁶ رَايُوَرْ مُتُمْ كَمَرْ جُويٜىٰ جُويٜىٰنْ إِنُوَ نٜىٰ، كَيْوَ دَ دَاوُاْوَرْسَ دُكْ بَنْظَنٜىٰ؞ يَكَنْ تَارَ دُوكِيَ عَمَّا بَيْ سَنْ وَنْدَ ذَيْجِے دَاطِنْتَبَ؞

⁷ ‏«‏تُواْ، عَكَنْ مٜىٰ ذَنْسَا ذُوثِيَا، يَا عُبَنْ‌غِجِ؟ أَغَرٜىٰكَ نَسَا رَيْنَ؞

⁸ كُٻُتَرْ دَنِے دَغَ دُكَنْ ذُنُبَنْ غَنْ‌غَنْثِنَ، كَدَ كَبَرْ وَوَيٜىٰ سُيِ مِنِ بَعَ؞

⁹ نَكَمٜىٰ بَاكِنَ، بَذَنْ ثٜىٰكُواْمٜىٰبَ، دُوانْ كَيْنٜىٰ كَيِ حَكَ؞

¹⁰ طَوْكٜىٰ مِنِ عَذَابَرْكَ، إِنَ بَاكِنْ مُتُوَ سَبُواْدَ بُلَلَرْكَ؞

¹¹ كَكَنْ ڟَاوَتَا كَكُمَ حُكُنْتَ مُتُمْ سَبُواْدَ لَيْڢُواْڢِنْسَ، كَمَرْ غَضَ كَكَنْ هَلَّكَ أَبِنْدَ مُتُمْ يَڢِ سُواْ، حَڧِيڧَ، كُواْوَنٜىٰ مَيْ رَيْ يأَنَانً كَمَرْ إِسْكَ مَيْ وُثٜىٰوَ؞

¹² ‏«‏جِ أَدُّعَتَ، يَا يَهْوٜىٰهْ، كَكُمَ سَوْرَرِ كُوكَنَ، شَارٜىٰ هَوَيٜىٰنَ؞ غَمَا إِنَ تَرٜىٰدَكَيْ كَمَرْ بَڧُواْنٜىٰ دَ ذَيْ وُثٜىٰ، نِے بَڧُواْنٜىٰ كَمَرْ يَدَّ دُكَنْ كَاكَنِّنَ سُكٜىٰ أَدَا؞

¹³ كَوْثٜىٰ ڢُسْكَرْكَ إِنْ طَنْ جِ دَاطِے، كَاڢِنْ إِنْ تَڢِے إِنْ بَرْ نَنْ غَبَاطَيَ؞»‏