زَبُورَا 37 - أَتَّوْرَتْ دَ أَنَّبَاوَا

ڧَرْشٜىٰنْ مُوغَيٜىٰ دَ مَاسُ أَدَلْثِے

﴿زَبُورَا تَ دَاوُدَ؞﴾

¹ كَدَ كَدَامُ سَبُواْدَ مُوغَيٜىٰ، كُواْ كَيِ كِيشِنْ مَاسُ عَيْكَتَ أَبُبُوَ مَرَسَ ݣَوْ؞

² غَمَا دَ سَوْرِ ذَاسُ ٻَثٜىٰ كَمَرْ ثِيَوَرْ دَ تَكَنْ بُوشٜىٰ، كَمَرْ ڟِرُوانْ دَ يَكَنْ يَنْڨُونٜىٰ؞

³ دُواْغَضَ غَ يَهْوٜىٰهْ كَكُمَيِ كِرْكِ، كَذَوْنَ عَڧَسَرْ، كَسَامِ ݣُونْثِيَرْ رَيْ؞

⁴ مَيْ دَ يَهْوٜىٰهْ دَلِيلِنْ ڢَضٍ ثِكِنْكَ، ذَيْ كُوَ بِيَ بُڧَاتَرْ ذُوثِيَارْكَ؞

⁵ دَنْڧَوَ يَهْوٜىٰهْ حَنْيَرْ رَايُوَرْكَ، كَدُواْغَرَ غَرٜىٰشِ، ذَيْ لُورَ دَكَيْ؞

⁶ ذَيْسَا أَدَلْثِنْكَ يَحَصْكَكَا، شَرِيعَرْ غَسْكِيَرْكَ تَحَصْكَكَ كَمَرْ حَصْكٜىٰنْ ڟَكَرْ رَانَ؞

⁷ كَنَڟُ أَغَبَنْ يَهْوٜىٰهْ، يِحَڧُرِ كَنَ سَا ذُوثِيَا عَكَنْسَ، كَدَ كَدَامُ غَمٜىٰدَ ثِيغَبَنْ وَنِ، كُواْ عَكَنْ مَيْ نَصَرَا ثِكِنْ مُوغَيٜىٰنْ شِرْيٜىٰ شِرْيٜىٰنْسَ؞

⁸ كَدَ كَبَرْ ذُوثِيَا تَيِ ذَاڢِ، كُواْ حَنْكَلِنْكَ يَتَاشِ، كَدَ كَيِ ڢُشِے، وَنَّنْ بَايَ كَٰوُاْ كُواْمٜىٰ سَيْ مُغُنْتَا؞

⁹ غَمَا مُوغَيٜىٰ ذَاعَ كَوَرْ دَسُو، عَمَّا مَاسُ سَا ذُوثِيَا غَ يَهْوٜىٰهْ ذَاسُ غَاجِ ڧَسَرْ؞

¹⁰ بَادَ دَطٜىٰوَبَ مُوغَيٜىٰ ذَاسُ ٻَثٜىٰ، كُواْ كَدُوبَ عِنْدَ سُكٜىٰ أَدَا، بَذَاكَ غَنْسُبَ؞

¹¹ عَمَّا مَاسُ سَوْڧِنْ كَيْ ذَاسُ غَاجِ ڧَسَرْ، سُسَامِ ڢَضٍ ثِكِنْسُ ثِكِنْ سَلَمَ عَيَلْوَثٜىٰ؞

¹² مُوغُ يَكَنْ شِرْيَ مُغُنْتَا غَ مَيْ أَدَلْثِے، يَنَ ثِظُوانْ بَاكِ سَبُواْدَ ڧِيَيَّرْ دَيَكٜىٰ مَسَ؞

¹³ عَمَّا يَهْوٜىٰهْ يَكَنْيِ وَمُوغُ دَارِيَا، دُواْمِنْ يَسَنْ رَانَرْ هَلَّكَرْ مُوغُ تَنَ ذُوَا؞

¹⁴ مُوغَيٜىٰ سُكَنْ ذَارُواْ تَكُواْبِے، سُكُمَ جَا بَكَنْسُ، دُواْمِنْ سُكَكَّشٜىٰ مَتَلَوْتَ دَ مَاسُ بُڧَاتَ، دُواْمِنْ سُكَشٜىٰ مَاسُ تَڢِيَ عَثِكِنْ غَسْكِيَ؞

¹⁵ عَمَّا ذَاعَ سُواْكٜىٰ ذُوثِيَارْسُ دَ تَكُواْبِنْسُ ذَاعَ كُوَ كَكَّرْيٜىٰ بَكَنْسُ؞

¹⁶ طَنْ كَطَنْ دَ مَيْ أَدَلْثِے يَكٜىٰدَشِ يَڢِ دُكْ مَيْ يَوَنْ دَ مُوغُ يَكٜىٰدَشِ؞

¹⁷ غَمَا يَهْوٜىٰهْ ذَيْ كَرْيَ إِيكُوانْ مُوغُ، عَمَّا يَكَنْ كِيَايٜىٰ مَاسُ أَدَلْثِے؞

¹⁸ غَمٜىٰ دَ مَاسُ تَڢِيَ ثِكِنْ غَسْكِيَ، كُواْوَثٜىٰ رَانَ يَهْوٜىٰهْ يَكَنْ كُلَ دَسُو، كُمَ ذَاسُيِ غَادُوانْ ڧَسَرْ حَرْ أَبَدَا؞

¹⁹ بَذَاسُ جِ كُنْيَا أَ لُواْكَثِنْ مَسِيڢَ بَ، عَݣُونَكِنْ يُنْوَ، ذَاسُ كَسَنْثٜىٰ دَ إِسَشّٜىٰنْ عَبِنْثِ؞

²⁰ عَمَّا مُوغَيٜىٰ ذَاسُ هَلَّكَ، مَاسُ ڧِنْ يَهْوٜىٰهْ ذَاسُ ٻَثٜىٰ كَمَرْ ڢُلَوَ تَدَاجِ، ذَاسُ ٻَثٜىٰ كَمَرْ هَيَاڧِے؞

²¹ مُوغُنْ مُتُمْ يَكَنْثِ بَاشِ يَڧِ بِيَ، عَمَّا مَيْ أَدَلْثِے يَكَنْ بَادَ ݣَوْتَيْ حَنُّ سَكٜىٰ؞

²² وَطَنْدَ يَهْوٜىٰهْ يَ أَلْبَرْكَثٜىٰسُ ذَاسُ غَاجِ ڧَسَرْ، عَمَّا وَطَنْدَ يَلَعَنْتَ ذَاعَ كَوَرْ دَسُو؞

²³ عِدَنْ يَهْوٜىٰهْ يَنَ ڢَضٍ ثِكِ دَ حَنْيَرْ رَايُوَرْ مُتُمْ يَكَنْ كِيَايٜىٰ تَڢِيَرْسَ دَ تَبَّثِ؞

²⁴ كُواْ دَمَا يَيِ تُنْتُٻٜىٰ، بَذَيْ ڢَاطِبَ، غَمَا يَهْوٜىٰهْ يَكَنْ رِڧٜىٰشِ دَ حَنُّنْسَ؞

²⁵ دَا دَيْ نِے يَرُواْ نٜىٰ، يَنْذُ كَمْ نَڟُوڢَ، عَمَّا بَنْ تَٻَ غَنِنْ يَهْوٜىٰهْ يَيَاشٜىٰ مَيْ أَدَلْثِبَ، كُواْ كُوَ أَغَا یَیَنْسَ سُنَ ضُواْڧُوانْ عَبِنْثِ؞

²⁶ كُلُّمْ مَيْ أَدَلْثِے مَيْ تَوْسَيِنٜىٰ، يَكَنْ بَادَ رَنْثٜىٰ حَنُّ سَكٜىٰ، یَیَنْسَ سُنْ ذَمَ أَبِنْ أَلْبَرْكَ؞

²⁷ رَبُ دَ مُغُنْتَا كَيِ كِرْكِ، تَهَكَ ذَاكَ ذَوْنَ عَڧَسَرْ حَرْ أَبَدَا؞

²⁸ غَمَا يَهْوٜىٰهْ يَنَ ڧَوْنَرْ شَرِيعَرْ غَسْكِيَ، بَذَيْ ڨَلٜىٰ مَاسُ ڧَوْنَرْسَبَ، ذَيْ كِيَايٜىٰ مَاسُ أَدَلْثِے حَرْ أَبَدَا، عَمَّا ذَيْ كَوَرْدَ یَیَنْ مُوغَيٜىٰ؞

²⁹ مَاسُ أَدَلْثِے ذَاسُ غَاجِ ڧَسَرْ، سُذَوْنَ عَثِكِ حَرْ أَبَدَا؞

³⁰ بَاكِنْ مَيْ أَدَلْثِے يَكَنْ ڢِتَرْدَ حِكِمَ، هَرْشٜىٰنْسَ يَكَنْ ڢَطِ أَبِنْدَ يَكٜىٰ دَيْدَيْ؞

³¹ كُواْيَرْوَرْ اللَّهْ نْسَ تَنَ أَ ذُوثِيَارْسَ، ڧَڢَرْسَ بَاتَ سَنْڟِ دَغَ حَنْيَرْسَ؞

³² مُوغَيٜىٰ سُكَنْ ٻُواْيٜىٰ سُجِرَا مَاسُ أَدَلْثِے سُكَنْ نٜىٰمِ سُكَشٜىٰسُ،

³³ عَمَّا يَهْوٜىٰهْ بَذَيْ ڨَلٜىٰسُ أَ حَنُّنْ مُوغَيٜىٰبَ، كُواْ يَبَرِ عَيِ مُسُ شَرِيعَرْ ڧَضْيَابَ؞

³⁴ سَا ذُوثِيَارْكَ غَ يَهْوٜىٰهْ كَكُمَ كَسَنْثٜىٰ أَ حَنْيَرْسَ، ذَيْ طَوْكَكَاكَ كَثِ غَادُوانْ ڧَسَرْ، سَعَدَّ أَنْكَوَرْدَ مُوغَيٜىٰ، ذَاكَ غَنِ؞

³⁵ نَتَٻَ غَنِنْ مُوغُنْ مُتُمْ مَرَرْ تَوْسَيِ، يَنَ يَطُوَ كَمَرْ طَنْيٜىٰنْ إِتَاثٜىٰ عَڧَسَا مَيْتَاكِ؞

³⁶ عَمَّا جِمْ كَطَنْ نَسَاكٜىٰ دَاوُاْوَ، بَنْ غَنْ شِيبَ، نَنٜىٰمٜىٰشِ، عَمَّا بَنْ سَامٜىٰشِيبَ؞

³⁷ لُورَ دَ مَاسُ تَڢِيَ ثِكِنْ غَسْكِيَ، كَكُمَ دُوبِے مَاسُ غَسْكِيَ أَ ظُوثِ، غَمَا ڧَرْشٜىٰنْسُ سَلَمَ نٜىٰ؞

³⁸ عَمَّا مَاسُ ذُنُوبِنْ غَنْ‌غَنْثِ ذَاعَ كَوَرْ دَسُو غَبَاطَيَ، ڧَرْشٜىٰنْسُ هَلَّكَ نٜىٰ؞

³⁹ يَهْوٜىٰهْ شِينٜىٰ مَيْ ثٜىٰتُوانْ مَاسُ أَدَلْثِے شِينٜىٰ وُرِنْ ٻُيَنْسُ أَ لُواْكَثِنْ وَهَلَ؞

⁴⁰ يَهْوٜىٰهْ يَكَنْ تَيْمَكٜىٰسُ يَكُمَ ثٜىٰثٜىٰسُ، يَكَنْ كُٻُتَرْ دَسُو دَغَ مُوغَيٜىٰ يَكُمَ ثٜىٰثٜىٰسُ، غَمَا سُكَنْ ذُواْ وُرِنْسَ نٜىٰمَنْ وُرِنْ ٻُيَ؞