زَبُورَا 36 - أَتَّوْرَتْ دَ أَنَّبَاوَا

مُغُنْتَارْ یَنْ ءَادَمُ دَ أَلْحٜىٰرِنْ اللَّهْ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ بَاوَنْ يَهْوٜىٰهْ ؞﴾

¹ ذُنُوبِنْ غَنْ‌غَنْثِ يَكَنْيِ مَغَنَ دَ مُوغَيٜىٰ عَثِكِ ثِكِنْ ذُوثِيَارْسُ، بَابُ كُواْ ڟُواْرُوانْ اللَّهْ أَعِدَنُونْسُ؞

² سُنَيِ وَكَنْسُ ذَاڧِنْ بَاكِ ثٜىٰوَ أَسِيرِنْسُ بَذَيْ تُواْنُبَ، بَلّٜىٰ مَا عَبَاسُ لَيْڢِے؞

³ مَغَنَرْ بَاكِنْسُ مُغُنْتَا ثٜىٰ كُمَ ثِكٜىٰ دَ رُوطُ، سُنْ جُويَا وَ حِكِمَ بَايَ سُنْ دَيْنَ عَيْكَتَ أَبُ مَيْݣَوْ؞

⁴ كُواْ عَݣُونْثٜىٰ أَغَدُوانْسُ سُنَ شِرْيَ مُغُنْتَا، سُنْ بَادَ كَنْسُ غَ بِنْ حَنْيَرْ مَرَرْ ݣَوْ، بَاسَ كُمَ ڧِنْ مُوغُنْ أَبُ؞

⁵ يَا يَهْوٜىٰهْ، ڧَوْنَرْكَ مَرَرْ ثَنْجَاوَا تَكَيْ حَرْ سَمَّيْ، أَمِنْثِنْكَ كُمَ يَكَيْ حَرْ سَرَرِنْ سَمَ؞

⁶ أَدَلْثِنْكَ يَيِ ڟَيِ كَمَرْ بَبَّنْ تُدُ، شَرِيعَرْكَ كُمَ كَمَرْ ظُرْڢِنْ تٜىٰكُ؞ كَنَ لُورَ دَ یَنْ أَدَمْ دَ دَبُّواْبِے دُكَ، يَا يَهْوٜىٰهْ؞

⁷ يَا اللَّهْ، إِنَا مِصَالِنْ دَرَجَرْ ڧَوْنَرْكَ مَرَرْ ثَنْجَاوَا!‏ یَنْ ءَادَمُ سُكَنْ سَامِ وُرِنْ ٻُيَ عَڧَرْڧَشِنْ إِنُوَرْ ڢِكَڢِكَنْكَ؞

⁸ سُكَنْ يِبِكِ دَ يَوَنْ عَبِنْثِنْ غِدَنْكَ، كَكَنْ كُمَبَاسُ أَبِنْ شَا دَغَ رَاڢِنْ أَلْحٜىٰرِنْكَ؞

⁹ كَيْ نٜىٰ مَٻُٻُّغَ مَيْ بَادَ ضُوً رَيْ، تَوُرِنْ حَصْكٜىٰنْكَ مُكٜىٰ غَنِنْ حَصْكٜىٰ؞

¹⁰ بَرِ كَثِيغَبَدَ ڧَوْنَرْكَ غَ مَاسُ سَنِنْكَ، ثِيغَبَدَ أَدَلْثِنْكَ غَ مَاسُ غَسْكِيَ أَ ظُوثِ؞

¹¹ كَدَ كَبَرْ ڧَڢَرْ مَاسُ طَغَ كَيْ تَتَاكَنِ، كُواْ حَنُّنْ مُوغَيٜىٰ يَكُواْرٜىٰنِ؞

¹² غَاشِ مُوغَيٜىٰ سُنْ ڢَاطِ، أَنْدَنّٜىٰسُ، بَاسَ عِيَ تَاشِ؞