زَبُورَا 35 - أَتَّوْرَتْ دَ أَنَّبَاوَاكُوكَنْ نٜىٰمَنْ كُٻُتَ ﴿زَبُورَا تَ دَاوُدَ؞﴾ 1 يَا يَهْوٜىٰهْ، يِڢَطَ دَ مَاسُ ڢَطَ دَنِے، يِيَاڧِ دَ مَاسُ يَاڧِ دَنِے؞ 2 طَوْكِ غَرْكُوَرْكَ دَ مَكَامِنْكَ، تَاشِ كَتَيْمَكٜىٰنِ! 3 طَغَ مَاشِنْكَ دَ غَاتَرِنْكَ سَمَ، كَتَرٜىٰ مَاسُبِينَ؞ بَرِ إِنْجِ كَثٜىٰ مِنِ، «نِنٜىٰ ثٜىٰتُوانْكَ؞» 4 بَرِ وَطَنْدَ سُكٜىٰ ڧُواْڧَرِ سُكَشٜىٰنِ عَكُنْيَتَرْ دَسُو، عَثِ مُتُنْثِنْسُ؞ بَرِ وَطَنْدَ سُكٜىٰ شِرْيَ مِنِ مُغُنْتَا سُجُويَا دَ بَايَ سُضِكِثِے! 5 بَرِ سُذَمَ كَمَرْ يَايِنْ دَ إِسْكَ تَكٜىٰ هُورَاوَ، سَعَدَّ مَلاَىِٕكَنْ يَهْوٜىٰهْ يَكٜىٰ كُواْرَرْسُ؞ 6 بَرِ كَسَا حَنْيَرْسُ تَيِ دُهُ، تَيِ سَنْڟِ، سَعَدَّ مَلاَىِٕكَنْ يَهْوٜىٰهْ يَكٜىٰبِنْسُ؞ 7 غَمَا بَادَلِيلِ سُنْسَا مِنِ تَرْكُواْ، بَادَلِيلِ سُنْ حَڧَ رَامِ مَيْ ظُرْڢِ دُواْمِنْ سُكَامَنِ؞ 8 بَرِ هَلَّكَ تَڢَاطَ مُسُ بَا لَابَرِ، بَرِ تَرْكُوانْ دَ سُكَسَا يَكَامَسُ، سُكُمَ ڢَاطَ ثِكِنْ رَامِنْ سُهَلَّكَ؞ 9 رَيْنَ ذَيْ يِڢَضٍ ثِكِ عَثِكِنْ يَهْوٜىٰهْ، ذَنْيِ مُرْنَ سَبُواْدَ يَثٜىٰثٜىٰنِ؞ 10 دُكَنْ رَيْنَ ذَيْثٜىٰ وَ يَهْوٜىٰهْ، «بَابُوَنِ كَمَرْكَ! كَيْ كَا كُٻُتَرْدَ مَرَسَ ڧَرْڢِے دَغَ مَاسُ ڧَرْڢِے، مَتَلَوْتَ دَ مَاسُ بُڧَاتَ دَغَ مَاسُ دَنّٜىٰسُ؞» 11 مُوغَيٜىٰنْ شَيْدُ سُنْ تَاسُواْ مِنِ، سُنْ تَمْبَيٜىٰنِ غَمٜىٰدَ أَبِنْ دَ بَنْ سَنْ كُواْمٜىٰ عَكَيْبَ؞ 12 سُنْ سَاكَ أَلْحٜىٰرِنْدَ نَيِ مُسُ دَ مُغُنْتَا، حَرْ نَرَسَ أَبِنْيِ دَ رَيْنَ؞ 13 عَمَّا نِے سَعَدَّ سُكٜىٰ ثِيوُاْ، نَسَا رِيغُنَنْ نُونَ بَڧِ ثِكِ، نَوَهَلَرْ دَكَيْنَ ثِكِنْ أَظُمِ؞ دَ أَدُّعَتَ تَكُواْمَ وُرِينَ بَ أَمْسَ، 14 نَڢِتَ إِنَ بَڧِنْ ثِكِ كَمَرْ نَرَسَ أَبُواْكِينَ كُواْ طَنْعُوَنَ؞ نَسُنْكُيَرْ دَكَيْنَ ثِكِنْ بَڧِنْ ثِكِ إِنَ كُوكَا كَمَرْ وَنْدَ يَرَسَ مَامَرْسَ؞ 15 عَمَّا دَ نَيِ تُنْتُٻٜىٰ سُكَ تَارُ سُنَ مُرْنَ، مَاسُ ڧِينَ سُكَ تَارُ عَكَيْنَ بَنْسَنِبَ، سُنَيِ مِنِ دَارِيَارْ بَعَ بَا ڢَاسَوَ؞ 16 كَمَرْ مَرَسَ ڟُواْرُوانْ اللَّهْ، سُكَيِ مِنِ مُوغُوَرْ بَعَ، سُنَ ثِظُوانْ بَاكِ سَبُواْدَ ڧِيَيَّرْ دَسُكٜىٰ مِنِ؞ 17 يَا يَهْوٜىٰهْ، حَرْ يَوْشٜىٰ ذَاكَيِ تَكَلُّواْ كَوَيْ؟ بَرِ كَثٜىٰثٜىٰنِ دَغَ هَرِنْسُ، كَكُٻُتَرْدَ رَيْنَ دَغَ ذَاكُواْكِنَّنْ! 18 ذَنْ غُواْدٜىٰ مَكَ عَثِكِنْ بَبَّنْ تَارُوانْ جَمَعَ، أَغَبَنْ مُتَنٜىٰ مَاسُيَوَ ذَنْ يَبٜىٰكَ؞ 19 كَدَ مَاسُ ڧِينَ مَاسُ ڧَضْيَارْ نَنْ سُيِ ڢَضٍ ثِكِ عَكَيْنَ، كَدَ كَبَرْ مَاسُ ڧِينَ بَادَلِيلِ سُجِ دَاطِنْ بَڧِنْ ثِكِنَ؞ 20 غَمَا بَاسَ يِنْ مَغَنَرْ سَلَمَ، أَمَيْمَكُوانْ حَكَ سُنَ ڧِرْڧِرُواْ مَغَنَرْ ڧَضْيَا عَكَنْ مَاسُ سُوانْ ذَمَنْ لَاڢِيَ؞ 21 سُكَ سَكٜىٰ بَكُنَنْسُ سُنَ ثٜىٰوَ «يَوَّ! يَوَّ! مُنْ غَنْكَ دَ عِدَنُونْمُ!» 22 كَيْ كَغَ وَنَّنْ، يَا يَهْوٜىٰهْ، كَدَ كَيِ شِضُ! كَدَ كَيِ نٜىٰسَ دَنِے، يَا عُبَنْغِجِ! 23 ڢَرْكَ! تَاشِ كَڟَيَ مِنِ! يَا اللَّهْ نَا عُبَنْغِجِنَ، نٜىٰمَ مِنِ حَكِّنَ! 24 نُونَ رَشِنْ لَيْڢِينَ، بِسَغَ أَدَلْثِنْكَ، يَا يَهْوٜىٰهْ اللَّهْ نَا، كَدَ كَبَرْسُ سُيِ ڢَضٍ ثِكِ عَكَيْنَ؞ 25 كَدَ سُيِ تُنَانِ أَ ظُوثِ سُثٜىٰ، «يَوَّ! حَكَ مُكٜىٰسُواْ!» كَدَ كَبَرْسُ سُڢَطَا، «مُنْ غَمَ دَشِ تَسْ!» 26 بَرِ مَاسُ ڢَضٍ ثِكِ عَكَنْ وَهَلَاتَ سُجِ كُنْيَا سُكُمَ رُوطٜىٰ غَبَاطَيَ؞ بَرِ مَاسُ طَغَ كَيْ ثٜىٰوَ سُنْ ڢِينِ عَكُنْيَتَرْ دَسُو، عَثِ مُتُنْثِنْسُ؞ 27 بَرِ مَاسُ سُوانْ غَنِ نِے مَرَرْ لَيْڢِے نٜىٰ سُيِ مُرْنَ سُواْسَيْ سُنَ تَثٜىٰوَ «أَ طَوْكَكَ يَهْوٜىٰهْ! غَمَا يَنَ جِنْ دَاطِے يَكُٻُتَرْدَ بَاوَنْسَ دَغَ دَامُوَ!» 28 هَرْشٜىٰنَ ذَيْ يِشٜىٰلَرْ أَدَلْثِنْكَ، يَكُمَ يَبٜىٰكَ دُكَنْ يِنِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria