زَبُورَا 33 - أَتَّوْرَتْ دَ أَنَّبَاوَاوَاڧَرْ يَبُواْ 1 دُكَنْكُ مَاسُ أَدَلْثِے، كُتَادَ مُرْيَ سَبُواْدَ ڢَضٍ ثِكِ، ڢَضٍ ثِكِ سَبُواْدَ أَبِنْدَ يَهْوٜىٰهْ يَيِ؞ يَدَاثٜىٰ مَاسُ غَسْكِيَ أَظُوثِ سُيَبٜىٰشِ؞ 2 كُغُواْدٜىٰ وَ يَهْوٜىٰهْ دَ مُواْلُواْ، كُرٜىٰرَ مَسَ وَاڧَرْ يَبُواْ دَ غَرَايَ مَيْ كِرْتَنِ غُواْمَ؞ 3 كُرٜىٰرَ مَسَ سَابُوَرْ وَاڧَا، كُكَطَ مَسَ مُواْلُواْ دَ ڠُونِنْتَ، كُتَادَ مُرْيَ سَبُواْدَ ڢَضٍ ثِكِ! 4 غَمَا كَلْمَرْ يَهْوٜىٰهْ غَسْكِيَ ثٜىٰ، دُكَنْ أَيُّكَنْسَ يَنَ يِنْسُ دَ أَمِنْثِ؞ 5 يَهْوٜىٰهْ يَنَ سُوانْ أَدَلْثِے دَ غَسْكِيَ، ڧَوْنَرْسَ مَرَرْ ثَنْجَاوَا تَثِكَ دُونِيَا؞ 6 تَوُرِنْ كَلْمَرْسَ يَهْوٜىٰهْ يَحَلِثِّ سَرَرِنْ سَمَ؞ تَوُرِنْ نُمْڢَشِنْ بَاكِنْسَ يَحَلِثِّ رَانَ دَ وَتَ دَ تَوْرَرِنْ سَمَ؞ 7 يَتَتَّارَ ضُوً تٜىٰكُنَ أَوُرِے طَيَ، يَكُكُّلّٜىٰ ظُرْڢَڢَّنْ تٜىٰكُ عَثِكِنْ طَكُنَنْ أَجِيَ؞ 8 بَرِ دُكَنْ دُونِيَا سُجِڟُواْرُوانْ يَهْوٜىٰهْ، دُكَنْ مَذَوْنَنْ دُونِيَا سُغِرْمَمَ شِ؞ 9 غَمَا يَيِ مَغَنَ، سَيْ دُونِيَا تَكَسَنْثٜىٰ، يَبَادَ عُمَرْنِ، سَيْ كُواْمٜىٰ يَكَڢُ؞ 10 يَهْوٜىٰهْ يَكَنْ لَلَتَرْ دَ شِرِنْ أَلْعُمَّيْ، يَكَنْ ٻَاتَ دَبَرَرْ ڧَبِيلُ؞ 11 عَمَّا شِرِنْ يَهْوٜىٰهْ ذَيْ كَسَنْثٜىٰ حَرْ أَبَدَا، دَبَرَرْ ذُوثِيَارْسَ كُمَ دَغَ ڟَارَا ذُوَا ڟَارَا؞ 12 مَيْ أَلْبَرْكَثٜىٰ أَلْعُمَّرْ دَ يَهْوٜىٰهْ شِينٜىٰ اللَّهْ نَاتَ، جَمَعَرْدَ يَذَاٻَا سُذَمَ غَادُوانْسَ! 13 دَغَ سَمَ يَهْوٜىٰهْ يَكَنْ دُوبَ، يَكَنْ غَ دُكَنْ یَنْ أَدَمْ؞ 14 دَغَ وُرِنْ ذَمَنْسَ يَكَنْ دُوبَ، يَكَنْ غَ دُكَنْ مَاسُ ذَمَ عَدُونِيَا؞ 15 شِ يَصِڢَّتَا ظُكَاتَنْسُ دُكَ، يَكَنْ غَانٜىٰ دُكَنْ كُواْمٜىٰنْ دَسُكٜىٰيِ؞ 16 سَرْكِے بَايَ ثِنْ نَصَرَا سَبُواْدَ يَوَنْ سُواْجُواْجِنْسَ، مَيْ عِيَ يَاڧِ بَايَڟِيرَا تَوُرِنْ يَوَنْ ڧَرْڢِنْسَ؞ 17 سَا ذُوثِيَا غَ دُواْكِنْ يَاڧِ، أَبِنْ بَنْظَنٜىٰ، دُكْ دَ يَوَنْ ڧَرْڢِنْسَ، بَذَيْثٜىٰثِ وَنِبَ؞ 18 غَاشِ، إِدَانُنْ يَهْوٜىٰهْ سُنَ عَكَنْ مَاسُ ڟُواْرُوانْسَ، عَكَنْ مَاسُ سَا ذُوثِيَا غَ ڧَوْنَرْسَ مَرَرْ ثَنْجَاوَا، 19 دُواْمِنْ يَكُٻُتَرْ دَسُو دَغَ مُتُوَ، يَكُمَ كِيَايٜىٰسُ دَ رَيْ أَ لُواْكَثِنْ يُنْوَ؞ 20 رَنْمُ يَنَ جِضَانْ يَهْوٜىٰهْ، شِينٜىٰ تَيْمَكُوانْمُ دَ غَرْكُوَرْمُ؞ 21 عَثِكِنْسَ ظُكَاتَنْمُ سُنَ ڢَضٍ ثِكِ، غَمَا غَ سُونَنْسَ مَيْ ڟَرْكِے مُكٜىٰ دُواْغَضَ؞ 22 يَا يَهْوٜىٰهْ، بَرِ ڧَوْنَرْكَ تَكَسَنْثٜىٰ تَرٜىٰدَمُو، ڧَوْنَرْكَ مَرَرْ ثَنْجَاوَا، دَيَكٜىٰ مُنَسَا ذُوثِيَا غَرٜىٰكَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria