زَبُورَا 32 - أَتَّوْرَتْ دَ أَنَّبَاوَا

تُوبَ دَ غَاڢَرَ

﴿زَبُورَا تَ دَاوُدَ؞ إِرِے تَ ‏«‏مَسْكِلْ؞»‏﴾

¹ مَيْ أَلْبَرْكَ نٜىٰ مُتُمِنْ دَ عَكَ غَاڢَرْتَا مَسَ ذُنُبَنْ غَنْ‌غَنْثِنْسَ، وَنْدَ عَكَ يَاڢٜىٰمَسَ ذُنُبَنْسَ؞

² مَيْ أَلْبَرْكَنٜىٰ مُتُمِنْ دَ يَهْوٜىٰهْ بَيْ لِسَّڢْتَا لَيْڢُواْڢِنْسَبَ، بَيْ سَامِ رَشِنْ غَسْكِيَ أَ ذُوثِيَارْسَبَ؞

³ سَعَدَّ بَنْ ڢُرْتَ ذُنُبَيْنَبَ، جِكِينَ يَيِ تَرَمٜىٰوَ سَبُواْدَ يَوَنْ كُوكَنَ نَدُكَنْ يِنِ؞

⁴ غَمَا دَرٜىٰ دَ رَانَ حَنُّنْكَ يَيِ مِنِ حُواْرُواْ؞ ڧَرْڢِنَ يَڧَارٜىٰ غَبَاطَيَ، كَمَرْ يَدَّ طَنْيَرْ ثِيَوَ تَكَنْ بُوشٜىٰ أَ لُواْكَثِنْ ذَاڢِنْ رَانِ؞

⁵ سَعَنً نَڢُرْتَ ذُنُبَيْنَ غَرٜىٰكَ بَنْ ٻُواْيٜىٰ لَيْڢُواْڢِنَبَ؞ نَثٜىٰ ‏«‏ذَنْ ڢُرْتَ ذُنُبَنْ غَنْ‌غَنْثِنَ غَ يَهْوٜىٰهْ؞»‏ كَكُوَ غَاڢَرْتَا مِنِ لَيْڢُواْڢِنَ؞

⁶ سَبُواْدَ حَكَ بَرِ دُكَنْ مَاسُ حَلِ إِرِنَّاكَ سُمِيڧَ أَدُّعَ غَرٜىٰكَ أَ لُواْكَثِنْ وَهَلَ؞ كُواْ دَ دَامُوَ تَتَاسُواْ كَمَرْ أَمْبَلِيَرْ ضُوَ، بَذَاتَ كَيْ وُرِنْسُبَ؞

⁷ كَيْ نٜىٰ وُرِنْ ٻُيَنَ، ذَاكَ كِيَايٜىٰنِ دَغَ مَسِيڢَ؞ كَنَسَا مَاسُ مُرْنَرْ نَصَرَاتَ سُرُڢٜىٰنِ دَ مُرْيَرْ وَاڧُواْڧِنْسُ؞

⁸ يَهْوٜىٰهْ يَثٜىٰ ‏«‏ذَنْ كُواْيَ مَكَ إِنْكُمَ نُونَ مَكَ حَنْيَرْ دَ ذَاكَبِے؞ ذَنْ بَاكَ شَوَرَا، بَذَنْ ثِرٜىٰ عِدُواْنَ عَكَنْكَبَ؞

⁹ كَدَ كَذَمَ مَرَرْ غَانٜىٰوَ، كَمَرْ دُواْكِ كُواْ جَاكِ وَنْدَ دُواْلٜىٰ سَيْ دَ إِغِيَ كَاڢِنْ عَبِدَشِ، إِنْ بَهَكَبَ، بَذَيْ يِبِيَيَّبَ؞»‏

¹⁰ عَذَابَرْ مُوغَيٜىٰ تَنَدَ يَوَ، عَمَّا ڧَوْنَ مَرَرْ ثَنْجَاوَا ذَاتَ كٜىٰوَيٜىٰ مَاسُ دُواْغَضَ غَ يَهْوٜىٰهْ؞

¹¹ يَا كُو مَاسُ أَدَلْثِے، كُيِ ڢَضٍ ثِكِ، كُيِ مُرْنَ عَثِكِنْ يَهْوٜىٰهْ!‏ كُتَادَ مُرْيَ سَبُواْدَ ڢَضٍ ثِكِ، يَا كُو مَاسُ غَسْكِيَ أَ ظُوثِ!‏