زَبُورَا 30 - أَتَّوْرَتْ دَ أَنَّبَاوَا

وَاڧَرْ غُواْدِيَ سَبُواْدَ وَرْكٜىٰوَ

﴿زَبُورَا تَ دَاوُدَ؞ وَاڧَرْ كٜىٰٻٜىٰوَرْ هَيْكَلِ؞﴾

¹ يَا يَهْوٜىٰهْ، ذَنْ طَوْكَكَاكَ!‏ غَمَا كَيْ كَا تَادَنِ، بَكَ بَرْ مَاسُ ڧِينَ سُيِ ڢَضٍ ثِكِ عَكَيْنَبَ؞

² يَا يَهْوٜىٰهْ اللَّهْ نَا، نَيِ كُوكَنْ نٜىٰمَنْ تَيْمَكُواْ غَرٜىٰكَ، كَاكُوَ وَرْكَرْ دَنِے؞

³ يَا يَهْوٜىٰهْ، كَاطَغَ نِے دَغَ وُرِنْ ذَمَنْ مَتَتُّو، دُواْمِنْ كَدَ إِنْ‌غَنْ‌غَرَ ذُوَا رَامِنْ مُتُوَ؞

⁴ رٜىٰرَ يَبُواْ غَ يَهْوٜىٰهْ، يَا كُو مَاسُ ڧَوْنَرْسَ، يِوَسُونَنْسَ مَيْ ڟَرْكِے غُواْدِيَ؞

⁵ غَمَا ڢُشِنْسَ نَطَنْ لُواْكَثِنٜىٰ، عَمَّا أَلْحٜىٰرِنْسَ حَرْ إِيَاكَرْ رَايُوَا؞ كُوكَا ذَيْ عِيَ كَسَنْثٜىٰ دُكَنْ دَرٜىٰ، عَمَّا ڢَضٍ ثِكِ يَكَنْ ذُواْ دَ سَڢٜىٰ؞

⁶ نِے دَيْ عَثِكِنْ ݣُونْثِيَرْ رَيْنَ نَثٜىٰ ‏«‏بَذَنْ جِجِّغُبَ؞»‏

⁷ يَا يَهْوٜىٰهْ، تَوُرِنْ أَلْحٜىٰرِنْكَ كَكَڢَ نِے كَمَرْ بَبَّنْ دُوڟٜىٰ مَيْ ڧَرْڢِے؞ عَمَّا دَ كَٻُواْيٜىٰ ڢُسْكَرْكَ دَغَ غَرٜىٰنِ، سَيْ ڟُواْرُواْ يَكَامَنِ سُواْسَيْ؞

⁸ أَغَرٜىٰكَ نَيِ كِرَا، يَا يَهْوٜىٰهْ، غَ عُبَنْ‌غِجِنَ نَيِ كُوكَنْ نٜىٰمَنْ جِنْڧَيْ؞

⁹ وَثٜىٰ رِبَثٜىٰ مُتُوَتَ ذَاتَ كَٰوُاْ؟ وَثٜىٰ رِبَثٜىٰ غَنْ‌غَرَوَتَ كَبَرِ؟ ڧُورَاتَ ذَاتَ عِيَ يَبُوانْكَ؟ ذَاتَ عِيَيِنْ شٜىٰلَرْ أَمِنْثِنْكَ نٜىٰ؟

¹⁰ جِ نِے، يَا يَهْوٜىٰهْ، كَجِ تَوْسَيِنَ!‏ يَا يَهْوٜىٰهْ، كَذَمَ مَيْ تَيْمَكُواْنَ!‏

¹¹ كَيْ كَا جُويَا بَڧِنْ ثِكِنَ ذُوَا ضَوَرْ ڢَضٍ ثِكِ، كَا تُوٻٜىٰ رِغَرْ بَڧِنْ ثِكِنَ، كَا سَا مِنِ تَڢَضٍ ثِكِ،

¹² دُواْمِنْ رَيْنَ يَرٜىٰرَ يَبُوانْكَ، كَدَ يَيِ شِضُ؞ يَا يَهْوٜىٰهْ اللَّهْ نَا، ذَنْ غُواْدٜىٰ مَكَ حَرْ أَبَدَا؞