زَبُورَا 3 - أَتَّوْرَتْ دَ أَنَّبَاوَا

كُوكَا نَ مَيْ دُواْغَضَ غَ اللَّهْ

﴿زَبُورَا تَ دَاوُدَ لُواْكَثِنْدَ يَغُدُ دَغَ طَنْسَ أَبْسَلُوامْ؞﴾

¹ يَا يَهْوٜىٰهْ، مَاسُ ڧِينَ سُنْيِيَوَ!‏ مَاسُ غَابَادَنِے دَيَوَ سُكٜىٰ؞

² دَ يَوَ سُنَ مَغَنَ عَكَيْنَ ثٜىٰوَ ‏«‏اللَّهْ بَذَيْ تَٻَ تَيْمَكُوانْسَبَ!‏»‏

³ عَمَّا كَيْ، يَا يَهْوٜىٰهْ، كَيْ كَكٜىٰ ڟَرٜىٰنِ تَكُواْوَنٜىٰ غٜىٰڢٜىٰ؞ كَيْ كَكٜىٰ طَوْكَكَ نِے، كَكٜىٰ كُمَ غِرْمَمَ نِے؞

⁴ غَ يَهْوٜىٰهْ نَكَنْيِ كِرَا دُوانْ تَيْمَكُواْ، يَكَنْ كُوَ أَمْسَ مِنِ دَغَ تُدُنْسَ مَيْ ڟَرْكِے؞

⁵ نَكَنْ ݣُونْتَ إِنْيِ بَرْثِ، إِنْكُمَ تَاشِ لَاڢِيَ لَوْ، غَمَا يَهْوٜىٰهْ نٜىٰ يَكٜىٰ كِيَايٜىٰنِ؞

⁶ بَانَ ڟُواْرُوانْ دُبُنْ دُبَّنْ مُتَنٜىٰ وَطَنْدَ سُكٜىٰ غَابَادَنِے تَكُواْوَنٜىٰ غٜىٰڢٜىٰ؞

⁷ تَاشِ، يَا يَهْوٜىٰهْ!‏ كَثٜىٰثٜىٰنِ، يَا اللَّهْ نَا!‏ غَمَا كَكَنْ بُغِ مَاسُ ڧِينَ عَكُمَتُ كَكَنْ كَكَّرْيَ هَڧُواْرَنْ مُوغَيٜىٰ؞

⁸ ثٜىٰتُواْ دَغَ وُرِنْ يَهْوٜىٰهْ يَكٜىٰ؞ بَرِ يَ أَلْبَرْكَثِ مُتَنٜىٰنْسَ؞