زَبُورَا 29 - أَتَّوْرَتْ دَ أَنَّبَاوَا

وَاڧَرْ طَوْكَكَ غَ يَهْوٜىٰهْ دَغَ دُكَنْ حَلِتَّرْسَ

﴿زَبُورَا تَ دَاوُدَ؞﴾

¹ مِيڧَا وَ يَهْوٜىٰهْ يَبُواْ، يَا كُو حَلِتُّو أَ سَمَ، مِيڧَ مَسَ طَوْكَكَرْسَ دَ ڧَرْڢِنْسَ؞

² مِيڧَ طَوْكَكَرْ سُونَنْ يَهْوٜىٰهْ، رُسُنَ أَغَبَنْ يَهْوٜىٰهْ سَبُواْدَ دَرَجَرْ ڟَرْكِنْسَ؞

³ مُرْيَرْ يَهْوٜىٰهْ تَنَ ڧَارَ بِسَ تٜىٰكُنَ، اللَّهْ مَطَوْكَكِ يَنَ ڟَاوَ؞ مُرْيَرْ يَهْوٜىٰهْ تَنَ أَمْسَاوَا دَ ڧَرْڢِے بِسَ مَنْيَنْ ضُوَيٜىٰ؞

⁴ مُرْيَرْ يَهْوٜىٰهْ تَنَدَ إِيكُواْ؞ مُرْيَرْ يَهْوٜىٰهْ تَنَ ثِكٜىٰ دَ دَرَجَ؞

⁵ مُرْيَرْ يَهْوٜىٰهْ تَنَ كَرْيَ عِتَتُوَنْ سٜىٰدَ، تَنَ كَكَّرْيَ مَنْيَنْ عِتَتُوَنْ سٜىٰدَ نَ لٜىٰبَنُوانْ؞

⁶ تَنَسَا مَنْيَنْ تُدَّنْ لٜىٰبَنُوانْ سُيِ ڟَلّٜىٰ كَمَرْ طَنْ بِجِمِ، تُدُنْ هَرْمُوانْ يَيِ طَنْ ڟَلّٜىٰ كَمَرْ يَرُوانْ ٻَوْنَ؞

⁷ مُرْيَرْ يَهْوٜىٰهْ تَنَسَا وَلْڧِيَ تَحَصْكَكَ؞

⁸ مُرْيَرْ يَهْوٜىٰهْ تَنَسَا دَاجِ يَغِرْغِظَ؞ مُرْيَرْ يَهْوٜىٰهْ تَنَ غِرْغِظَ دَاجِنْ كَدٜىٰشْ؞

⁹ مُرْيَرْ يَهْوٜىٰهْ تَنَ سَا مَنْيَنْ عِتَتُوَ سُغِرْغِظَ، تَنَ سَا عِتَتُوَنْ كُرْمِ سُكَكَّٻٜىٰ غَنْيٜىٰنْسُ؞ عَثِكِنْ هَيْكَلِنْسَ كُواْوَ يَنَ تَادَ مُرْيَ ثٜىٰوَ ‏«‏طَوْكَكَ غَ اللَّهْ!‏»‏

¹⁰ يَهْوٜىٰهْ يَنَ مُلْكِ عَكَنْ أَمْبَلِيَرْ ضُوَ، يَهْوٜىٰهْ يَنَ مُلْكِ، سَرْكِے نٜىٰ شِ حَرْ أَبَدَا؞

¹¹ بَرِ يَهْوٜىٰهْ يَبَامُتَنٜىٰنْسَ ڧَرْڢِے!‏ بَرِ يَهْوٜىٰهْ يَ أَلْبَرْكَثٜىٰسُ دَ ذَمَنْ لَاڢِيَ!‏