زَبُورَا 27 - أَتَّوْرَتْ دَ أَنَّبَاوَا

وَاڧَرْ دُواْغَضَ غَ يَهْوٜىٰهْ

﴿زَبُورَا تَ دَاوُدَ؞﴾

¹ يَهْوٜىٰهْ نٜىٰ حَصْكٜىٰنَ دَ ثٜىٰتُواْنَ، ڟُواْرُوانْ وَ ذَنْجِے؟ يَهْوٜىٰهْ نٜىٰ وُرِنْ ٻُيَنْ رَيْنَ، ڟُواْرُوانْ وَنٜىٰنٜىٰ ذَنْجِے؟

² عِدَنْ مُوغَيٜىٰ سُكَ تَاسَرْ مِنِ، عِدَنْ أَبُواْكَنْ غَابَنَ دَ مَاسُ ڧِينَ سُنَ ڧُواْڧَرِ سُثِ نَامَنَ، تُواْ، سُونٜىٰ ذَاسُيِ تُنْتُٻٜىٰ سُڢَاطِ؞

³ كُواْ دَ ڧُنْ‌غِيَرْ سُواْجَ سُنْ كٜىٰوَيٜىٰنِ، بَذَنْ جِڟُواْرُواْبَ؞ كُواْ دَ أَنْڢَاطَ مِنِ دَ يَاڧِ، دُكْدَهَكَ ذَنْيِ ذَمَنَ أَ سَكٜىٰ؞

⁴ أَبُ طَيَ نَكٜىٰ ضُواْڧُواْ أَوُرِنْ يَهْوٜىٰهْ، أَبُ غُدَا تَكْ نَكٜىٰ نٜىٰمَ، شِينٜىٰ إِنْ ذَوْنَ أَ غِدَنْ يَهْوٜىٰهْ دُكَنْ ݣُونَكِنْ رَيْنَ، إِنْيِ تَجِنْ دَاطِنْ غَنِنْ دَرَجَرْسَ، إِنْكُمَ نٜىٰمِ نُڢِنْسَ عَثِكِنْ هَيْكَلِنْسَ؞

⁵ غَمَا أَ لُواْكَثِنْ مَسِيڢَ ذَيْ ٻُواْيٜىٰنِ عَبُكَّرْسَ، ذَيْ كِيَايٜىٰنِ لَاڢِيَ عَثِكِنْ تٜىٰنْتِنْسَ، ذَيْسَا نِے عَكَنْ تُدُ مَيْ ڟَوُاْ؞

⁶ ذَنْثِ نَصَرَا عَكَنْ أَبُواْكَنْ غَابَنَ عَكَنْ مَاسُ ڧِينَ دَسُكٜىٰ كٜىٰوَيٜىٰ دَنِے؞ دَ مُرْيَرْ ڢَضٍ ثِكِ ذَنْ مِيڧَ هَدَايُ عَتٜىٰنْتِنْسَ، ذَنْ رٜىٰرَ وَاڧَرْ يَبُواْ غَ يَهْوٜىٰهْ؞

⁷ جِنِ، يَا يَهْوٜىٰهْ، يَايِنْدَ نَيِ كِرَا، كَيِ مِنِ جِنْڧَيْ، كَأَمْسَ مِنِ!‏

⁸ ذُوثِيَاتَ تَثٜىٰ ‏«‏نٜىٰمِ ڢُسْكَرْسَ!‏»‏ تُواْ، نَا ذُواْ نٜىٰمَنْ ڢُسْكَرْكَ، يَا يَهْوٜىٰهْ؞

⁹ كَدَ كَٻُواْيٜىٰ ڢُسْكَرْكَ دَغَ غَرٜىٰنِ!‏ كَدَ كَكُواْرِ بَاوَنْكَ ثِكِنْ ڢُشِے!‏ كَيْ نٜىٰ مَيْ تَيْمَكُواْنَ، كَدَ كَبَرْنِ، كَدَ كَيَاشٜىٰنِ، يَا اللَّهْ، مَيْ ثٜىٰتُواْنَ!‏

¹⁰ كُواْ دَ بَابَنَ دَ مَامَاتَ سُنْ يَاشٜىٰنِ، يَهْوٜىٰهْ ذَيْ لُورَ دَنِے؞

¹¹ يَا يَهْوٜىٰهْ، كُواْيَ مِنِ حَنْيَرْكَ؞ بِے دَنِے تَهَنْيَرْ دَتَكٜىٰ دَيْدَيْ، غَمَا مَاسُ ڧِينَ سُنَ جِرَا إِنْڢَاطِ نٜىٰ كَوَيْ؞

¹² كَدَ كَمِيڧَ نِے أَ حَنُّنْ مَاسُ ڧِينَ، غَمَا مَاسُ شَيْدَرْ ڧَضْيَا سُنْ تَاسَرْ مِنِ، سُنَ هُورَ وُتَرْ تَاشِنْ حَنْكَلِ؞

¹³ نَا تَبَّتَرْ دَ وَنَّنْ، ذَنْ طَنْطَنَ أَلْحٜىٰرِنْ يَهْوٜىٰهْ، أَوَنَّنْ دُونِيَرْ مَاسُ رَيْ؞

¹⁴ سَا ذُوثِيَا غَ يَهْوٜىٰهْ، كَڧَرْڢَڢَ، كَكَسَنْثٜىٰ دَ ڧَرْڢِنْ ذُوثِيَا!‏ عِ، سَا ذُوثِيَا غَ يَهْوٜىٰهْ!‏