زَبُورَا 26 - أَتَّوْرَتْ دَ أَنَّبَاوَا

كُوكَنْ نٜىٰمَنْ شَرِيعَرْ غَسْكِيَ

﴿زَبُورَا تَ دَاوُدَ؞﴾

¹ يَا يَهْوٜىٰهْ، نُونَ نِے مَرَرْ لَيْڢِے نٜىٰ، غَمَا نَايِ أَبِنْدَ يَكٜىٰ دَيْدَيْ، نَكُمَ دُواْغَضَ غَ يَهْوٜىٰهْ، بَنْ يِشَكَّبَ؞

² يَا يَهْوٜىٰهْ، كْعَبِنْثِكٜىٰنِ، كَكُمَ ڠُودَانِ، كَاعَوْنَ ذُوثِيَاتَ دَ تُنَانِنَ؞

³ غَمَا إِنَ سَنٜىٰ دَ ڧَوْنَرْكَ مَرَرْ ثَنْجَاوَا، عَثِكِنْ أَمِنْثِنْكَ نَكٜىٰ تَڢِيَ كُلُّمْ؞

⁴ بَانَ شَعَنِ دَ مُتَنٜىٰنْ بَنْظَ، بَا ضُوَنَ دَ مُنَاڢُكَيْ؞

⁵ إِنَڧِنْ تَارُوانْ جَمَعَرْ مَاسُ مُغُنْتَا، بَانَ سَدَ زُمُنْثِ دَ مُوغَيٜىٰ؞

⁶ يَا يَهْوٜىٰهْ، إِنَ وَنْكٜىٰ حَنُّوَنَ، إِنَ نُونَ نِے مَرَرْ لَيْڢِے نٜىٰ؞ ثِكِنْ سُجَّدَ إِنَ تَاكَاوَ كٜىٰوَيٜىٰ دَ بَغَدٜىٰنْكَ،

⁷ إِنَ رٜىٰرَ وَاڧَرْ غُواْدِيَ دَ ڧَرْڢِے، إِنَ ڢَطِنْ دُكَنْ أَيُّكَنْكَ مَاسُ بَنْ مَامَاكِ؞

⁸ يَا يَهْوٜىٰهْ، إِنَ ڧَوْنَرْ غِدَنْ دَ كَكٜىٰ ذَمَ، عِنْدَ طَوْكَكَرْكَ تَكٜىٰ ذَمَ؞

⁹ كَدَ كَهَلَّكَ نِے تَرٜىٰدَ مَاسُ ذُنُوبِ، كُواْ كَطَوْكِ رَيْنَ تَرٜىٰدَ مَاسُ ظُبْدَ جِنِ؞

¹⁰ حَنُّوَنْ وَطَنَّنْ سُنَ عَيْكَتَ مُغُنْتَا، حَنُّوَنْ دَامَنْسُ سُنَ ثِكٜىٰ دَ ثِنْ حَنْثِ؞

¹¹ عَمَّا نِے، إِنَ تَڢِيَ ثِكِنْ مُتُنْثِ، بَرِ كَيِ مِنِ جِنْڧَيْ، كَڢَنْشٜىٰنِ؞

¹² ڧَڢَاڢُنَ سُنَ ڟَيٜىٰ دَرَمْ؞ عَثِكِنْ بَبَّنْ تَارُوانْ جَمَعَ ذَنْ يَبِے يَهْوٜىٰهْ؞