زَبُورَا 23 - أَتَّوْرَتْ دَ أَنَّبَاوَا

وَاڧَ غَ يَهْوٜىٰهْ مَكِيَايِ مَيْ ݣَوْ

﴿زَبُورَا تَ دَاوُدَ؞﴾

¹ يَهْوٜىٰهْ شِينٜىٰ مَكِيَايِنَ، بَذَنْ رَسَ كُواْمٜىٰبَ؞

² يَكَنْ سَا نِے إِنْ هُوتَ أَوُرَارٜىٰنْ كِيوُاْ مَاسُ طَنْيَرْ ثِيَوَ، يَكَنْبِدَ نِے أَغٜىٰڢٜىٰنْ تَڢْكُنَنْ ضُوَ مَاسُ غُدُ أَ حَنْكَلِ؞

³ يَكَنْ سَابُنْتَا رَيْنَ، يَكَنْبِدَ نِے أَ حَنْيَرْ أَدَلْثِے دُواْمِنْ أَغِرْمَمَ سُونَنْسَ؞

⁴ كُواْ دَ نَبِے تَرَامِنْ دُهُنْ مُتُوَ، بَذَنْ جِڟُواْرُوانْ كُواْمٜىٰبَ، غَمَا كَنَنَنْ تَرٜىٰدَنِ؞ سَنْدَنْكَ نَتَڢِيَ دَ سَنْدَنْكَ نَكِيوُاْ ذَاسُيِ مِنِ تَعَظِيَّ؞

⁵ كَا شِرْيَ مِنِ بِكِ أَغَبَنْ مَاسُ ڧِينَ؞ كَا شَاڢٜىٰ كَيْنَ دَ مَيْ كَمَرْ بَبَّنْ بَڧُواْ؞ كَا ثِكَ ݣُوڢْ نَوَ ڢَلْ حَرْ يَنَ ظُبُواْوَ؞

⁶ حَڧِيڧَ، أَلْحٜىٰرِنْكَ دَ ڧَوْنَرْكَ مَرَرْ ثَنْجَاوَا ذَاسُيِ تَبِنَ دُكَنْ ݣُونَكِنَ؞ ذَنْ ذَوْنَ أَغِدَنْ يَهْوٜىٰهْ دُكَنْ ݣُونَكِنْ رَيْنَ؞