زَبُورَا 21 - أَتَّوْرَتْ دَ أَنَّبَاوَا

وَاڧَرْ يَبُواْ سَبُواْدَ نَصَرَرْ سَرْكِے

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ يَا يَهْوٜىٰهْ، سَبُواْدَ ڧَرْڢِنْكَ سَرْكِے يَنَ ڢَضٍ ثِكِ، يَنَ ڢَضٍ ثِكِ سُواْسَيْ دُواْمِنْ كَاثٜىٰثٜىٰشِ!‏

² كَابَا شِ أَبِنْدَ ذُوثِيَارْسَ تَكٜىٰسُواْ، بَكَ ڧِ أَمْسَ مَسَ ضُواْڧُوانْسَبَ؞

³ عِ، كَاذُواْ مَسَ دَ أَلْبَرْكُ مَاسُ ݣَوْ، كَاسَا هُولَرْ مُلْكِ تَظِنَرِيَ عَكَنْسَ؞

⁴ يَضُواْڧٜىٰكَ رَيْ، كَا كُوَ بَاشِ، كَابَا شِ رَيْ دَ ڟَوُانْ ݣُونَكِے؞

⁵ طَوْكَكَرْسَ تَنَدَ غِرْمَ تَوُرِنْ تَيْمَكُوانْكَ، غِرْمَ دَ دَرَجَ كَبَاشِ؞

⁶ كَاسَا يَذَمَ مَيْ أَلْبَرْكَ حَرْ أَبَدَا، كَسَنْثٜىٰوَرْكَ دَشِ تَڢَرَنْتَ مَسَ رَيْ؞

⁷ غَمَا سَرْكِنْ يَدُواْغَرَ عَكَنْكَ، يَا يَهْوٜىٰهْ مَڢِے طَوْكَكَ، تَوُرِنْ ڧَوْنَرْكَ مَرَرْ ثَنْجَاوَا سَرْكِنَّنْ بَذَيْ تَٻَ جِجِّغُوَبَ؞

⁸ حَنُّنْكَ ذَيْ كَكَّامَ دُكَنْ أَبُواْكَنْ غَابَنْكَ، حَنُّنْ دَامَنْكَ ذَيْ كَكَّامَ دُكَنْ مَاسُ ڧِنْكَ؞

⁹ ذَاكَ لَشٜىٰسُ كَمَرْ وُتَرْ مَڧٜىٰرَ، سَعَدَّ كَبَيَّنَ؞ يَا يَهْوٜىٰهْ، ثِكِنْ ڢُشِنْكَ ذَاكَ حَطِيٜىٰسُ، وُتَا كُمَ ذَاتَ ثِنْيٜىٰسُ؞

¹⁰ ذَاكَ شَارٜىٰ ذُرِيَرْسُ دَغَ دُونِيَا، یَیَنْسُ كُمَ دَغَ ثِكِنْ یَنْ أَدَمْ؞

¹¹ كُواْ سُنْ شِرْيَ مَكَ مُغُنْتَا، كُواْ سُنْ ڧُلَّ تَادَ ڢِتِنَ، بَذَاسُثِ نَصَرَبَ؞

¹² غَمَا ذَاكَسَا سُجُويَا سُغُدُ، سَعَدَّ كَهَرْبَ كِبِيُواْيِنْكَ؞

¹³ بَرِ أَطَوْكَكَاكَ سَبُواْدَ ڧَرْڢِنْكَ، يَا يَهْوٜىٰهْ، ذَامُ رٜىٰرَ، مُكُمَ يَبِے إِيكُوانْكَ؞