زَبُورَا 20 - أَتَّوْرَتْ دَ أَنَّبَاوَا

أَدُّعَرْ نٜىٰمَنْ نَصَرَا دُواْمِنْ سَرْكِے

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ بَرِ يَهْوٜىٰهْ يَجِيكَ أَ لُواْكَثِنْ وَهَلَ!‏ بَرِ سُونَنْ اللَّهْ نَ يَعْڧُوبَ يَڟَرٜىٰكَ!‏

² بَرِ يَعَيْكُواْ مَكَ دَ تَيْمَكُواْ دَغَ وُرِنْ ذَمَنْسَ مَيْ ڟَرْكِے، يَكُمَ بَاكَ غُواْيُوانْ بَايَ دَغَ سِهِيُواْنَ؞

³ بَرِ يَتُنَ دَ دُكَنْ أَبِنْدَ كَمِيڧَ مَسَ، يَكُمَجِ دَاطِنْ دُكَنْ هَدَايُنْكَ نَڧُواْنَاوَا!‏

⁴ بَرِ يَبَاكَ أَبِنْدَ ذُوثِيَارْكَ تَكٜىٰسُواْ، يَبَاكَ نَصَرَا ثِكِنْ دُكَنْ شِرْيٜىٰ شِرْيٜىٰنْكَ؞

⁵ مُو، ذَامُيِ إِيهُ دُوانْ ڢَضٍ ثِكِ سَبُواْدَ نَصَرَرْكَ، مُتَاكَ ضَوَ دَ مُرْنَ ثِكِنْ سُونَنْ اللَّهْ نْمُ؞ بَرِ يَهْوٜىٰهْ يَأَمْسَ دُكَنْ ضُواْڧٜىٰ ضُواْڧٜىٰنْكَ!‏

⁶ يَنْذُ دَيْ نَسَنِ يَهْوٜىٰهْ ذَيْ تَيْمَكِ سَرْكِنْدَ يَكٜىٰٻٜىٰ، ذَيْ أَمْسَ مَسَ دَغَ سَمَنْسَ مَيْ ڟَرْكِے، ذَيْبَاشِ مَنْيَنْ نَصَرُواْرِ تَهَنُّنْ دَامَنْسَ؞

⁷ وَطَنْسُ سُنَ دُواْغَضَ غَ كٜىٰكُنَنْ يَاڧِ؞ وَطَنْسُ سُنَ دُواْغَضَ غَ دَوَكِنْسُ؞ عَمَّا مُو، مُنَ دُواْغَضَ غَ سُونَنْ يَهْوٜىٰهْ اللَّهْ نْمُ؞

⁸ إِرِنْ مُتَنٜىٰنَّنْ ذَاسُيِ تُنْتُٻٜىٰ سُڢَاطِ؞ عَمَّا مُو ذَامُ تَاشِ مُڟَيَ ڟَبْ!‏

⁹ يَا يَهْوٜىٰهْ، بَا سَرْكِے نَصَرَا!‏ بَرِ كَجِيمُ يَايِنْ دَ مُكَيِ كِرَا؞