زَبُورَا 2 - أَتَّوْرَتْ دَ أَنَّبَاوَا

وَاڧَرْ سَرْكِنْ دَ يَهْوٜىٰهْ يَكٜىٰٻٜىٰ

¹ مٜىٰيَسَا أَلْعُمَّيْ سُكٜىٰ حَطَ بَاكِ؟ مٜىٰيَسَا ڧَبِيلُ سُكٜىٰ ڧُلّٜىٰ ڧُلّٜىٰنْ بَنْظَ؟

² مٜىٰيَسَا سَرَاكُنَنْ دُونِيَا سُنْيِ شِرِنْ يَاڧِ؟ مٜىٰيَسَا مَاسُ مُلْكِ سُنَ حَطَكَيْ، سُنَ غَابَادَ يَهْوٜىٰهْ دَ سَرْكِنْدَ يَكٜىٰٻٜىٰ؟

³ سُنَ ثٜىٰوَ ‏«‏مُیَنْتَرْدَ كَنْمُ دَغَ مُلْكِنْسُ، دَغَ مُلْكٍ يَهْوٜىٰهْ دَ سَرْكِنْدَ يَكٜىٰٻٜىٰ، مُكُٻُثٜىٰ دَغَ بَوْتَرْسُ؞»‏

⁴ دَغَ كُجٜىٰرَرْ مُلْكِنْسَ أَ سَمَ عُبَنْ‌غِجِ يَيِ مُسُ دَارِيَا؞ يَمَيْدَسُو أَبِنْ بَعَ؞

⁵ سَيْ يَڟَاوَتَا مُسُ دَ ڢُشِے، ڢُشِنْسَ يَسَا سُكَ ڢِرْغِتَ ڨُورَيْ؞

⁶ يَثٜىٰ، ‏«‏عَكَنْ سِهِيُواْنَ تُدُنَ مَيْ ڟَرْكِے، نَنَطَ سَرْكِينَ؞»‏

⁷ سَرْكِنْ يَثٜىٰ، ‏«‏ذَنْيِ شٜىٰلَرْ ڧَٰعِدَرْ يَهْوٜىٰهْ؞ يَثٜىٰ مِنِ، ‏‹‏كَيْ طَانَنٜىٰ، يَوْ نَذَمَ بَابَنْكَ؞

⁸ ضُواْڧٜىٰنِ، ذَنْبَاكَ أَلْعُمَّيْ سُذَمَ غَادُوانْكَ، دُكَنْ دُونِيَا تَذَمَ مَلَّكَرْكَ؞

⁹ ذَاكَ كَكَّرْيٜىٰسُ دَ سَنْدَنْ ڧَرْڢٜىٰ، كَڢَرْڢَشٜىٰسُ كَمَرْ تُكُنْيَرْ لَاكَ؞›‏ »‏

¹⁰ يَنْذُ ڢَا، كُيِ حِكِمَ، يَا كُو سَرَاكُنَ، كُيِ حَنْكَلِ، يَا كُو مَاسُ مُلْكٍ دُونِيَا؞

¹¹ كُيِ وَ يَهْوٜىٰهْ حِدِمَ دَ ڟُواْرُواْ كُنَ ضَوَرْ جِكِے؞

¹² كُدُرْڧُسَ أَغَبَنْسَ، كَدَ ڢُشِنْسَ يَتَاشِ كُمُتُ نَنْ دَنَنْ، غَمَا ڢُشِنْسَ مَيْ سَوْرِنْ تَاشِنٜىٰ؞ مَاسُ أَلْبَرْكَنٜىٰ دُكَنْ مَاسُ نٜىٰمَنْ وُرِنْ ٻُيَ عَثِكِنْسَ؞