زَبُورَا 149 - أَتَّوْرَتْ دَ أَنَّبَاوَا

وَاڧَرْ يَبُوانْ أَلْحٜىٰرِنْ اللَّهْ غَ إِسْرَٰٓءِيلَ

¹ يَبِے يَهْوٜىٰهْ!‏ كُرٜىٰرَ سَابُوَرْ وَاڧَا غَ يَهْوٜىٰهْ، كُرٜىٰرَ يَبُوانْسَ ثِكِنْ تَارُوانْ مَاسُ حَلِنْسَ؞

² بَرِ إِسْرَٰٓءِيلَ تَيِ مُرْنَ ثِكِنْ مَحَلِثِّنْتَ، یَیَنْ سِهِيُواْنَ سُيِ ڢَضٍ ثِكِ ثِكِنْ سَرْكِنْسُ!‏

³ بَرِ سُيَبِے سُونَنْسَ دَ ضَوَ، سُكَطَ مَسَ تَمْبُرَ، سُكَطَ مَسَ مُواْلُواْ سُنَ يَبُوانْسَ؞

⁴ غَمَا يَهْوٜىٰهْ يَكَنْ جِ دَاطِنْ مُتَنٜىٰنْسَ، يَكَنْ دَرَجَرْتَ مَرَرْ ڧَرْڢِے دَ ثٜىٰتُواْ؞

⁵ بَرِ مَاسُ حَلِنْسَ سُيِ ڢَضٍ ثِكِ ثِكِنْ دَرَجَرْدَ يَبَاسُ؞ بَرِ سُرٜىٰرَ دُواْمِنْ ڢَضٍ ثِكِ عِنْدَ سُكٜىٰ ݣُونْثِيَ،

⁶ دَ يَبُواْ مَاسُ ڧَرْڢِے دَغَ مَڧُواْڠُورُوانْسُ، دَ تَكُبَ مَاسُ بَاكِ بِيُ أَ حَنُّوَنْسُ،

⁷ دُواْمِنْ سُيِ رَامُوَا عَكَنْ أَلْعُمَّيْ، حُكُنْثِ كُمَ عَكَنْ ڧَبِيلُ،

⁸ سُطَطَّوْرَ سَرَاكُنَنْسُ دَ سَرْڧُواْڧِ، شُوغَبَنِّنْسُ كُمَ دَ سَرْڧُواْڧِنْ ڧَرْڢٜىٰ،

⁹ سُحُكُنْتَسُ كَمَرْ يَدَّ يَكٜىٰ أَرُبُوثٜىٰ؞ وَنَّنْ شِينٜىٰ دَرَجَ، دَرَجَرْ دُكَنْ مُتَنٜىٰنْسَ مَاسُ حَلِنْسَ؞ يَبِے يَهْوٜىٰهْ!‏