زَبُورَا 147 - أَتَّوْرَتْ دَ أَنَّبَاوَاوَاڧَرْ يَبُواْ غَ اللَّهْ مَڢِے إِيكُواْ دُكَ 1 يَبِے يَهْوٜىٰهْ! حَڧِيڧَ، أَبُ مَيْݣَوْ نٜىٰ أَ رٜىٰرَ يَبُواْ غَ اللَّهْ نْمُ، حَڧِيڧَ، أَبُ مَيْ دَاطِے نٜىٰ كُمَ دَيْدَيْنٜىٰ عَيَبٜىٰشِ؞ 2 يَهْوٜىٰهْ يَنَ سَاكٜىٰ غِنِنْ عُرُوشَلِيمَ، يَنَ تَتَّارَ إِسْرَٰٓءِيلَاوَنْ دَ عَكَ كُواْرَ؞ 3 يَكَنْ وَرْكَرْدَ مَاسُ ڢِدَّ ذُوثِيَا، يَكَنْ طَوْرٜىٰ رَوْنُكَنْسُ؞ 4 يَكَنْ لِسَّڢْتَا يَوَنْ تَوْرَرِ، يَكَنْ كِرَا كُواْوَنٜىٰ دَ سُونَنْسَ؞ 5 عُبَنْغِجِنْمُ مَيْغِرْمَ نٜىٰ مَيْ يَوَنْ إِيكُواْ، غَانٜىٰوَرْسَ تَوُثٜىٰ غَبَنْ مِصَالِ؞ 6 يَهْوٜىٰهْ يَكَنْ طَغَ وَطَنْدَ عَكَ دَنّٜىٰ، عَمَّا يَكَنْ جٜىٰڢَرْ دَ مُوغَيٜىٰ عَڧَسَا؞ 7 رٜىٰرَ غَ يَهْوٜىٰهْ وَاڧَرْ غُواْدِيَ، دَ مُواْلُواْ كُرٜىٰرَ وَاڧَرْ يَبُواْ غَ اللَّهْ نْمُ؞ 8 يَكَنْ رُڢٜىٰ سَمَ دَ غِذَغِظَيْ، يَكَنْ عَيْكَ دَ ضُوً سَمَ غَ دُونِيَا، يَكَنْسَا ڟِرٜىٰ ڟِرٜىٰ سُيِ غِرْمَ عَكَنْ تُدَّيْ، 9 وَنْدَ يَكَنْ بَادَبُّواْبِے عَبِنْثِنْسُ، یَیَنْ حَنْكَكَ كُمَ سَعَدَّ سُكَيِ كُوكَا؞ 10 أَ دُواْغَضَ عَكَنْ ڧَرْڢِنْ دُواْكِ بَايَ غَمْشٜىٰشِ، أَدُواْغَرَ عَكَنْ ڧَرْڢِنْ مُتُمْ بَايَ ڢَرَنْتَ مَسَ رَيْ، 11 عَمَّا مَاسُ ڟُواْرُوانْ يَهْوٜىٰهْ سُنَ ڢَرَنْتَ مَسَ رَيْ، دَ كُمَ مَاسُ دُواْغَضَ غَ ڧَوْنَرْسَ مَرَرْ ثَنْجَاوَا؞ 12 يَا عُرُوشَلِيمَ، كِغِرْمَمَ يَهْوٜىٰهْ! يَبِے اللَّهْ نْكِ، يَا كٜىٰ سِهِيُواْنَ! 13 غَمَا يَكَنْ ڧَارَ ڧَرْڢِنْ ڧَرْڢٜىٰنْ ڟَرُوانْ ڧُواْڢُواْڢِنْكِ، يَكَنْ سَا وَیَیَنْ دَسُكٜىٰ ثِكِنْكِ أَلْبَرْكَ؞ 14 يَكَنْ كَٰوُاْ سَلَمَ ثِكِنْ إِيَاكَرْ ڧَسَرْكِے، يَكَنْ ڧُواْسَرْدَ كٜىٰ دَ حَڟِ مَڢِے ݣَوْ؞ 15 يَكَنْ عَيْكَرْ دَ مَغَنَرْسَ عَدُونِيَا، دَ سَوْرِ عُمَرْنِنْسَ يَكَنْ كَيْ عِنْدَ عَكَ عَيْكَ؞ 16 يَكَنْ شِمْڢِطَا ڧَنْڧَرَ كَمَرْ أَوْدُغَ، يَكَنْ وَاڟَرْدَ دُوسَرْ ڧَنْڧَرَ كَمَرْ أَنْوَاڟَرْدَ تُواْكَ؞ 17 يَكَنْ جٜىٰڢَ ڧَنْڧَرَرْسَ كَمَرْ ڧأَنَانً دُوَڟُو، وَ ذَيْ عِيَ جِمْرٜىٰ وَ سَنْيِنْدَ يَتُرُواْ؟ 18 يَكَنْ عَيْكَ دَ مَغَنَرْسَ، ڧَنْڧَرَ كُوَ تَكَنْ نَرْكٜىٰ، يَكَنْسَا إِسْكَرْسَ تَهُورَ، ضُوَ كُوَ يَكَنْ غُدُ؞ 19 يَعَيْكَ دَ مَغَنَرْسَ غَ يَعْڧُوبَ، ڧَٰعِدُواْدِنْسَ دَ عُمَرْنَنْسَ غَ إِسْرَٰٓءِيلَ؞ 20 بَيْ يِهَكَ غَ وَتَ أَلْعُمَّ بَ، بَسُ كُوَ سَنْ عُمَرْنَنْسَبَ؞ يَبِے يَهْوٜىٰهْ! |
Hausa Common Language Ajami Bible © The Bible Society of Nigeria, 2020
Bible Society of Nigeria