زَبُورَا 143 - أَتَّوْرَتْ دَ أَنَّبَاوَا

كُوكَنْ مَيْ تُوبَ

﴿زَبُورَا تَ دَاوُدَ؞﴾

¹ جِ أَدُّعَتَ، يَا يَهْوٜىٰهْ، ثِكِنْ أَمِنْثِنْكَ، كَسَ كُنّٜىٰ غَ كُوكَنَ، ثِكِنْ أَدَلْثِنْكَ، أَمْسَ مِنِ!‏

² كَدَ كَشَرْعَنْتَ نِے بَاوَنْكَ غَمَا أَغَبَنْكَ بَا مَيْ سَامُنْ ذَمَ مَرَرْ لَيْڢِے؞

³ أَبُواْكِنْ غَابَا يَنَ نٜىٰمَ يَكَشٜىٰنِ، يَنَ تَنِڧَ رَيْنَ عَڧَسَا، يَنَ سَا إِنْ ذَوْنَ عَثِكِنْ دُهُ كَمَرْ وَطَنْدَ سُكَ دَطٜىٰ دَ مُتُوَ؞

⁴ دُواْمِنْ حَكَ نَڢِدَّ ذُوثِيَا، ذُوثِيَاتَ تَدَامُ ڨُورَيْ؞

⁵ نَتُنَ دَ ݣُونَكِنْ بَايَ، إِنَ تُنَانِ غَمٜىٰدَ دُكَنْ أَيُّكَنْكَ، إِنَ تُنَانِ عَكَنْ أَيُّكَنْ حَنُّوَنْكَ؞

⁶ غَرٜىٰكَ نَمِيڧَ حَنُّوَنَ، كَمَرْ بُوسَشِّيَرْ ڧَسَا مَيْ ڧِشِنْ ضُوَ، حَكَ رَيْنَ يَكٜىٰ مَرْمَرِنْكَ؞

⁷ يَا يَهْوٜىٰهْ، أَمْسَ مِنِ دَ سَوْرِ!‏ إِنَ ڢِدَّ ذُوثِيَا؞ كَدَ كَٻُواْيٜىٰ مِنِ ڢُسْكَرْكَ، كَدَ إِنْذَمَ كَمَرْ مَاسُ غَنْ‌غَرَ ذُوَا رَامِنْ مَتَتُّو؞

⁸ بَرِ إِنْجِ ڧَوْنَرْكَ كُواْوَثٜىٰ سَاڢِيَ، غَمَا أَغَرٜىٰكَ نَدُواْغَرَ؞ نُونَ مِنِ حَنْيَرْ دَ ذَنْبِے، غَمَا أَغَرٜىٰكَ نَسَا رَيْنَ؞

⁹ يَا يَهْوٜىٰهْ، كُٻُتَرْ دَنِے دَغَ أَبُواْكَنْ غَابَنَ، أَغَرٜىٰكَ نَكٜىٰ نٜىٰمَنْ وُرِنْ ٻُيَ؞

¹⁰ كُواْيَ مِنِ إِنْيِ نُڢِنْكَ، غَمَا كَيْنٜىٰ اللَّهْ نَا؞ بَرِ رُوحُنْكَ مَيْ أَلْحٜىٰرِ يَبِے دَنِے أَ حَنْيَرْ دَتَكٜىٰ دَيْدَيْ؞

¹¹ دُواْمِنْ أَغِرْمَمَ سُونَنْكَ، كِيَايٜىٰ رَيْنَ؞ يَا يَهْوٜىٰهْ، ثِكِنْ أَدَلْثِنْكَ ڢِتَرْ دَنِے دَغَ ثِكِنْ وَهَلَ؞

¹² ثِكِنْ ڧَوْنَرْكَ مَرَرْ ثَنْجَاوَا كَوَرْدَ أَبُواْكَنْ غَابَنَ، هَلَّكَ دُكَنْ مَاسُ مَاڟَ مِنِ، غَمَا نِے بَاوَنْكَ نٜىٰ؞