زَبُورَا 142 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ ثِكِنْ ڟَنَنِ

﴿زَبُورَا تَ دَاوُدَ إِرِے تَ ‏«‏مَسْكِلْ»‏؞ أَدُّعَثٜىٰ لُواْكَثِنْ دَيَكٜىٰ عَكُواْغُوانْ دُوڟٜىٰ؞﴾

¹ يَا يَهْوٜىٰهْ، نَتَادَ مُرْيَرْ كُوكَنَ غَرٜىٰكَ؞ يَا يَهْوٜىٰهْ، نَتَادَ مُرْيَ تَنٜىٰمَنْ جِنْڧَيْ غَرٜىٰكَ؞

² نَظُبَ دُكَنْ دَامُوَتَ أَغَبَنْكَ، أَغَبَنْكَ نَڢَطِ وَهَلَاتَ؞

³ سَعَدَّ نَيِ كُسَنْ ڢِدَّ ذُوثِيَا، كَيْنٜىٰ كَسَنْ حَنْيَتَ؞ أَ حَنْيَرْ دَ نَكٜىٰبِے، أَبُواْكَنْ غَابَنَ سُنْ ٻُواْيٜىٰ مِنِ تَرْكُواْ؞

⁴ دُوبِے تَهَنُّنْ دَامَنَ كَغَنِ بَابُوَنْدَ يَدَامُ دَنِے، بَابُوُرِنْ دَ ذَنْ غُدُ إِنْٻُيَ، بَابُ مُتُمِنْدَ يَكُلَ دَنِے؞

⁵ يَا يَهْوٜىٰهْ، نَيِ كُوكَا غَرٜىٰكَ، نَثٜىٰ ‏«‏كَيْ نٜىٰ وُرِنْ ٻُيَنَ، كَيْنٜىٰ أَبِنْدَ نَكٜىٰ دَشِ عَدُونِيَرْ مَاسُ رَيْ؞»‏

⁶ سَوْرَرِ كُوكَنَ، غَمَا نَا ڢِدَّ ذُوثِيَا ڨُورَيْ؞ كُٻُتَرْ دَنِے دَغَ مَاسُ ڟَنَنْتَ مِنِ، غَمَا سُنْڢِے ڧَرْڢِينَ؞

⁷ كَڢِتَرْ دَنِے دَغَ وَنَّنْ طَوْرِ، دُوانْ إِنْ يَبِے سُونَنْكَ؞ مَاسُ أَدَلْثِے ذَاسُ كٜىٰوَيٜىٰنِ غَمَا ذَاكَيِ مِنِ أَلْحٜىٰرِ سُواْسَيْ؞