زَبُورَا 139 - أَتَّوْرَتْ دَ أَنَّبَاوَاأَدُّعَ غَ اللَّهْ مَاسَنِنْ كُواْمٜىٰ ﴿عُمَرْنِ غَ شُوغَبَنْ مَوَاڧَ: زَبُورَا تَ دَاوُدَ؞﴾ 1 يَا يَهْوٜىٰهْ، كَارِغَا كَا بِنْثِكٜىٰنِ كَا كُوَ سَنِّ؞ 2 كَيْ كَا سَنْ ذَمَنَ دَ تَاشِنَ، كَا غَانٜىٰ دَ تُنَانِنَ تُنْدَغَ نٜىٰسَ؞ 3 كَكَنْ كُلَ دَ دُكَنْ تَڢِيَاتَ دَ ݣُونْثِيَتَ، كَا سَابَادَ دُكَنْ أَلْعَمُرَانَ؞ 4 كَاڢِنْ مَا كَلْمَ تَڢِتَ دَغَ بَاكِنَ، يَا يَهْوٜىٰهْ، كَارِغَا كَا سَنِ كَكَڢْ؞ 5 كَكَنْ كٜىٰوَيٜىٰنِ غَبَ دَ بَايَ، حَنُّنْكَ نَأَلْبَرْكَ يَنَ عَكَيْنَ؞ 6 إِرِنْ سَنِنَّنْ غَمٜىٰدَنِ يَڢِ غَانٜىٰوَتَ، أَسِيرِ مَيْ ظُرْڢِ نٜىٰ دَ يَڢِ بَسِيرَتَ؞ 7 إِنَا ذَنْجٜىٰ دُواْمِنْ إِنْكَوْثٜىٰ وَرُوحُنْكَ؟ إِنَا ذَنْ غُدُ إِنْغُجٜىٰ دَغَ غَبَنْكَ؟ 8 عِدَنْ نَهَوْ سَمَّيْ، كَنَ ثَنْ، إِنْ نَشِمْڢِطَا تَبَرْمَتَ أَوُرِنْ ذَمَنْ مَتَتُّو، غَا كَيْ؞ 9 إِنْ نَتَاشِ كَمَرْ ڟُنْڟُ دَغَ ثَنْ ثَنْ غَبَسْ، كُواْ نَجٜىٰ نَسَوْكَ عَ إِيَاكَرْ يَمَّ، 10 كُواْ عَثَنْ طِنْ مَا حَنُّنْكَ ذَيْبِدَنِ، حَنُّنْ دَامَنْكَ ذَيْ رِڧٜىٰنِ كَمْكَمْ؞ 11 عِدَنْ نَثٜىٰ «حَڧِيڧَ، دُهُ ذَيْ رُڢٜىٰنِ، حَصْكٜىٰ كٜىٰوَيٜىٰ دَنِے يَذَمَ دَرٜىٰ،» 12 كُواْ دُهُ مَا أَغَرٜىٰكَ بَ دُهُ بَنٜىٰ، دَرٜىٰ كُوَ يَنَدَ حَصْكٜىٰ كَمَرْ رَانَ، دُهُ دَ حَصْكٜىٰ دُكْ طَيَ نٜىٰ أَغَرٜىٰكَ؞ 13 كَيْ نٜىٰ كَاحَلِثِّ كَايَنْ ثِكِنَ، كَا هَرْهَطَنِ عَثِكِنْ ثِكِنْ مَامَاتَ؞ 14 إِنَ يَبُوانْكَ، دُواْمِنْ يَدَّ كَهَرْهَطَ نِے أَبِنْ ڟُواْرُواْ دَ بَنْ مَامَاكِ نٜىٰ؞ أَيُّكَنْكَ مَاسُ بَنْ مَامَاكِ نٜىٰ، نَسَنْ دَ وَنَّنْ سُواْسَيْ؞ 15 ڧَسُسُوَنْ جِكِينَ بَعَٻُواْيٜىٰ سُكٜىٰ أَغَرٜىٰكَبَ، سَعَدَّ عَكٜىٰ هَرْهَطَنِ أَ عَسِرْثٜىٰ، سَعَدَّ عَكٜىٰ صِڢَّتَانِ أَدُهُ؞ 16 عِدَنُونْكَ سُنْغَ غَٻُواْٻِنْ جِكِينَ كَاڢِنْ سُثِكَ؞ عَثِكِنْ لِتَّڢِنْكَ أَنْرُبُوتَ يَوَنْ ݣُونَكِنْ دَ عَكَ شِرْيَ دُواْمِنَ، كَاڢِنْ مَا طَيَ دَغَ ثِكِنْسُ يَڢَارَ؞ 17 يَا اللَّهْ، إِنَا مِصَالِنْ دَرَجَرْ تُنَانِنْكَ غَرٜىٰنِ! إِنَا مِصَالِنْ يَوَنْ لِسَّڢِنْسُ! 18 عِدَنْ ذَنْ ڧِرْغَسُ، ذَاسُڢِ يَشِ يَوَ؞ إِنْ نَكَيْ ڧَرْشٜىٰ مَا، بَذَنْكَيْ ڧَرْشٜىٰنْ غَانٜىٰوَرْكَبَ؞ 19 يَا اللَّهْ، دَ سُواْ شِينٜىٰ سَامُ، دَ كَكَكَّشٜىٰ مُوغَيٜىٰ، مَاسُ سُوانْ ظُبْدَ جِنِ كُمَ سُرَبُ دَنِے، 20 وَطَنْدَ سُكٜىٰ ڢَطِنْ مُوغَيٜىٰنْ مَغَنْغَنُ غَمٜىٰدَ كَيْ، مَاسُ غَابَادَكَيْ وَطَنْدَ سُكٜىٰيِنْ مَغَنَرْ بَنْظَ؞ 21 يَا يَهْوٜىٰهْ، بَ إِنَڧِنْ مَاسُ ڧِنْكَ بَ؟ بَ إِنَڨَمَرْ مَاسُ يِمَكَ تَاوَيٜىٰ بَ؟ 22 ڧِيَيَّرْ دَ نَكٜىٰ مُسُ تَوُثٜىٰ غَبَنْ مِصَالِ، بَاشَكَّ نَطَوْكٜىٰسُ أَبُواْكَنْ غَابَنَ نٜىٰ؞ 23 يَا اللَّهْ، بِنْثِكٜىٰنِ، ذَاكَ كُوَ سَنْ ذُوثِيَاتَ، ڠُودَ نِے، ذَاكَ كُوَ سَنْ تُنَانِنَ؞ 24 دُوبَ، كُواْ أَ رَايُوَتَا أَݣَويْ وَتَ حَنْيَرْ دَ نَكٜىٰ ٻَاتَ مَكَ رَيْ، كَكُمَ بِدَنِ ثِكِنْ حَنْيَ تَرَيْ نَهَرْ أَبَدَا؞ |
Hausa Common Language Ajami Bible © The Bible Society of Nigeria, 2020
Bible Society of Nigeria