زَبُورَا 138 - أَتَّوْرَتْ دَ أَنَّبَاوَا

وَاڧَرْ غُواْدِيَ

﴿زَبُورَا تَ دَاوُدَ؞﴾

¹ يَا يَهْوٜىٰهْ، نَا يِمَكَ غُواْدِيَ دَ دُكَنْ ذُوثِيَاتَ، نَا رٜىٰرَ يَبُوانْكَ أَغَبَنْ أَلُّواْلِ؞

² نَا رُسُنَ إِنَ ڢُسْكَنْتَرْ هَيْكَلِنْكَ مَيْ ڟَرْكِے، نَا يِغُواْدِيَ غَ سُونَنْكَ سَبُواْدَ ڧَوْنَرْكَ دَ أَمِنْثِنْكَ، غَمَا كَا طَوْكَكَ سُونَنْكَ دَ مَغَنَرْكَ ڢِيٜىٰ دَكُواْمٜىٰ؞

³ رَانَرْدَ نَيِ كِرَا، كَا أَمْسَ مِنِ، كَڧَرْڢَڢَ رَيْنَ دَ ڧَرْڢِنْكَ؞

⁴ بَرِ دُكَنْ سَرَاكُنَنْ دُونِيَا سُيِ مَكَ غُواْدِيَ، يَا يَهْوٜىٰهْ، سَعَدَّ سُكَجِ مَغَنَرْ بَاكِنْكَ؞

⁵ بَرِ سُرٜىٰرَ وَاڧُواْڧِ غَمٜىٰدَ هَنْيُواْيِنْ يَهْوٜىٰهْ، غَمَا دَرَجَرْ يَهْوٜىٰهْ دَ غِرْمَ تَكٜىٰ؞

⁶ كُواْدَيَكٜىٰ يَهْوٜىٰهْ يَنَ ثَنْ سَمَ، يَكَنْ كُلَ دَ مَاسُ سَوْڧِنْ كَيْ، عَمَّا مَاسُ طَغَ كَيْ دَغَ نٜىٰسَ يَكَنْ غَانٜىٰسُ؞

⁷ كُواْ دَمَا إِنَ تَڢِيَ ثِكِنْ وَهَلَ، كَكَنْ كِيَايٜىٰنِ دَغَ أَبُواْكَنْ غَابَنَ؞ كَكَنْ مِيڧَ حَنُّنْكَ كُمَ حَنُّنْ دَامَنْكَ يَكَنْ ثٜىٰثٜىٰنِ؞

⁸ يَهْوٜىٰهْ ذَيْثِكَ نُڢِنْسَ عَكَيْنَ؞ يَا يَهْوٜىٰهْ، ڧَوْنَرْكَ مَرَرْ ثَنْجَاوَا تَهَرْ أَبَدَاثٜىٰ؞ كَدَ كَڨَلٜىٰ عَيْكِنْ حَنُّنْكَ؞