زَبُورَا 137 - أَتَّوْرَتْ دَ أَنَّبَاوَا

كُوكَنْ مَرْمَرِنْ عُرُوشَلِيمَ عَبَڧُوَرْ ڧَسَا

¹ عَبَاكِنْ كُواْغُنَنْ بَابِيلَ، عَثَنْ مُكَ ذَوْنَ مُنَ كُوكَا، سَعَدَّ مُكَ تُنَ دَ سِهِيُواْنَ؞

² عَكَنْ رَسَّنْ عِتَتُوَ عَثَنْ مُكَ رَاتَيَ مُواْلَيٜىٰنْمُ مُكَ بَرِ،

³ غَمَا عَثَنْ نٜىٰ مَاسُ كَامَمُ ذُوَا بَوْتَا سُكَثٜىٰ مُيِ مُسُ وَاڧَا؞ مَاسُ بَامُ عَذَابَ سُكَثٜىٰ مُيِ مُسُ وَاڧَرْ ڢَضٍ ثِكِ، سُكَثٜىٰ ‏«‏كُرٜىٰرَ مَنَ وَاڧَا، طَيَ دَغَ ثِكِنْ وَاڧُواْڧِنْ سِهِيُواْنَ؞»‏

⁴ يَيَ ذَامُ رٜىٰرَ وَاڧَرْ يَهْوٜىٰهْ عَثِكِنْ بَڧُوَرْ ڧَسَا؟

⁵ يَا عُرُوشَلِيمَ، عِدَنْ نَا مَنْتَادَكٜىٰ، بَرِ حَنُّنْ دَامَنَ يَمَنْتَادَ عِيَوَرْسَ؞

⁶ بَرِ هَرْشٜىٰنَ يَمَنّٜىٰ عَبَاكِنَ، عِدَنْ بَنْ تُنَ دَكٜىٰبَ، عِدَنْ بَنْ سُواْ عُرُوشَلِيمَ ڢِيٜىٰدَ دُكْ أَبِنْ ڢَرَنْتَ مِنِ رَيْبَ!‏

⁷ يَا يَهْوٜىٰهْ، تُنَ دَ لَيْڢِنْ عٜىٰدُواْمَاوَا أَ رَانَرْ ڢَاطُوَرْ عُرُوشَلِيمَ، يَدَّ سُكَثٜىٰ، ‏«‏أَ رُشٜىٰتَ!‏ أَ رُشٜىٰتَ حَرْ ذُوَا تُوشٜىٰنْتَ!‏»‏

⁸ يَا كٜىٰ بَابِيلَ، كٜىٰ مَيْكَٰوُاْ هَلَّكَرْوَ!‏ مَاسُ أَلْبَرْكَ نٜىٰ وَطَنْدَ ذَاسُ رَامَ عَكَنْكِ أَبِنْدَ كِكَيِ مَنَ!‏

⁹ مَاسُ أَلْبَرْكَنٜىٰ وَطَنْدَ ذَاسُ ڨُوثٜىٰ جَرِرَنْكِ سُڢَرْڢَسَ كَوُنَنْسُ عَكَنْ دُوَڟُو؞