زَبُورَا 136 - أَتَّوْرَتْ دَ أَنَّبَاوَا

وَاڧَرْ غُواْدِيَ غَ اللَّهْ مَڢِے إِيكُواْ دُكَ

¹ كُيِ غُواْدِيَ غَ يَهْوٜىٰهْ، غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

² كُيِ غُواْدِيَ غَ اللَّهْ وَنْدَ يَڢِ دُكَنْ أَلُّواْلِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

³ كُيِ غُواْدِيَ غَ عُبَنْ‌غِجِ وَنْدَ يَڢِ دُكَنْ إِيَايٜىٰنْ‌غِجِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

⁴ كُيِ غُواْدِيَ غَ وَنْدَ شِ كَطَيْ يَكٜىٰيِنْ أَيُّكَنْ بَنْ مَامَاكِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

⁵ كُيِ غُواْدِيَ غَ وَنْدَ تَوُرِنْ حِكِمَرْسَ يَيِ سَمَّيْ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

⁶ كُيِ غُواْدِيَ غَ وَنْدَ يَشِمْڢِطَا ڧَسَا عَكَنْ ضُوَيٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

⁷ كُيِ غُواْدِيَ غَ وَنْدَ يَيِ مَنْيَنْ حَصْكُواْكِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

⁸ رَانَ دُوانْ تَيِ مُلْكٍ يِنِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

⁹ وَتَ دَ تَوْرَرِ دُواْمِنْ سُيِ مُلْكٍ دَرٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹⁰ كُيِ غُواْدِيَ غَ وَنْدَ يَبُغِ مَصَرْ تَكَكَّشٜىٰوَرْ یَیَنْ ڢَارِنْسُ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹¹ يَڢِتَرْدَ مُتَنٜىٰنْ إِسْرَٰٓءِيلَ دَغَ ثِكِنْ مَصَرْ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

¹² دَ حَنُّ مَيْ إِيكُواْ دَ أَيُّكَنْ بَنْ مَامَاكِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹³ كُيِ غُواْدِيَ غَ وَنْدَ يَرَبَ تٜىٰكُنْ ثِيَوَرْ إِوَ كَشِ بِيُ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹⁴ يَسَا إِسْرَٰٓءِيلَ سُڧٜىٰتَرٜىٰ تَڟَكِيَرْسَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

¹⁵ عَمَّا يَنُڟَرْ دَ ڢِرْعَوْنَ دَ سُواْجُواْجِنْسَ عَتٜىٰكُنْ ثِيَوَرْ إِوَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹⁶ كُيِ غُواْدِيَ غَ وَنْدَ يَبِے دَ مُتَنٜىٰنْسَ تَثِكِنْ دَاجِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹⁷ كُيِ غُواْدِيَ غَ وَنْدَ يَبُغِ مَنْيَنْ سَرَاكُنَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

¹⁸ يَكُمَ كَكَّشٜىٰ مَنْيَنْ سَرَاكُنَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

¹⁹ سِهُوانْ، سَرْكِنْ أَمُواْرِيَاوَا، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

²⁰ دَ عُواغْ، سَرْكِنْ بَشَنْ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

²¹ يَبَادَ ڧَسَاشٜىٰنْسُ أَبِنْ غَادُواْ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ،

²² أَبِنْ غَادُواْ غَ بَايِنْسَ إِسْرَٰٓءِيلَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

²³ كُيِ غُواْدِيَ غَ وَنْدَ يَتُنَ دَمُو ثِكِنْ ڧَسْڧَنْثِنْمُ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

²⁴ يَیَنْتَرْ دَمُو دَغَ مَاسُ مَاڟَ مَنَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

²⁵ كُيِ غُواْدِيَ غَ وَنْدَ يَكٜىٰ بَا كُواْوَثٜىٰ حَلِتَّ مَيْ رَيْ عَبِنْثِ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

²⁶ كُيِ غُواْدِيَ غَ اللَّهْ نَسَمَ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏