زَبُورَا 135 - أَتَّوْرَتْ دَ أَنَّبَاوَاوَاڧَرْ يَبُواْ غَ اللَّهْ مَڢِے إِيكُواْ دُكَ 1 يَبِے يَهْوٜىٰهْ! يَبِے سُونَنْ يَهْوٜىٰهْ! يَبٜىٰشِ، كُو مَاسُ حِدِمَرْ يَهْوٜىٰهْ، 2 كُو مَاسُ حِدِمَ أَ غِدَنْ يَهْوٜىٰهْ، عَثِكِنْ ڢِيلِنْ غِدَنْ اللَّهْ نْمُ! 3 يَبِے يَهْوٜىٰهْ، غَمَا يَهْوٜىٰهْ مَيْ أَلْحٜىٰرِ نٜىٰ! رٜىٰرَ يَبُواْ غَ سُونَنْسَ، غَمَا يَنَدَ ݣَوْ؞ 4 غَمَا يَهْوٜىٰهْ يَاذَاٻِ يَعْڧُوبَ وَكَنْسَ، إِسْرَٰٓءِيلَ كُمَ تَذَمَ أَبِنْسَ مَيْ دَرَجَ؞ 5 غَمَا نَا سَنْ ثٜىٰوَ يَهْوٜىٰهْ دَ غِرْمَ يَكٜىٰ عُبَنْغِجِنْمُ كُمَ يَڢِ دُكَنْ أَلُّواْلِ؞ 6 دُكْ أَبِنْدَ يَهْوٜىٰهْ يَغَ دَامَ يَكَنْيِ، كُواْ أَ سَمَ كُواْ أَنَنْ دُونِيَا، كُواْ عَتٜىٰكُنَ كُواْ أَدُكَنْ ظُرْڢَڢَّنْ ضُوَ؞ 7 يَكَنْ تَادَ غِذَغِظَيْ دَغَ إِيَاكَرْ دُونِيَا يَكَنْ عَيْكُواْ دَ وَلْڧِيَ تَرٜىٰدَ ضُوً سَمَ، يَكَنْ كُمَ ڢِتَرْدَ إِسْكَ دَغَ طَكُنَنْ أَجِيَرْسَ؞ 8 شِينٜىٰ يَكَكَّشٜىٰ یَیَنْ ڢَارِ نَڧَسَرْ مَصَرْ، نَمُتَنٜىٰ دَ نَدَبُّواْبِے دُكَ؞ 9 يَعَيْكَ دَ عَلَمُ ثِكِنْ مَصَرْ، يَعَيْكَ دَ أَيُّكَنْ بَنْ مَامَاكِ عَكَنْ ڢِرْعَوْنَ دَ دُكَنْ مَاسُ حِدِمَرْسَ؞ 10 يَهَلَّكَ أَلْعُمَّيْ مَاسُيَوَ، يَكَكَّشٜىٰ سَرَاكُنَ مَاسُ غِرْمَ؞ 11 سِهُوانْ، سَرْكِنْ أَمُواْرِيَاوَا، دَ عُواغْ، سَرْكِنْ بَشَنْ، دَ كُمَ دُكَنْ مُلْكُواْكِنْ ڧَسَرْ كَنْعَنَ؞ 12 يَبَادَ ڧَسَرْسُ أَبِنْ غَادُواْ، أَبِنْ غَادُواْ كُوَ غَ جَمَعَرْسَ إِسْرَٰٓءِيلَ؞ 13 سُونَنْكَ، يَا يَهْوٜىٰهْ، نَهَرْ أَبَدَا نٜىٰ، سُونَنْكَ أَبِنْ تُنَاوَا نٜىٰ دَغَ ڟَارَا ذُوَا ڟَارَا؞ 14 غَمَا يَهْوٜىٰهْ ذَيْ نُونَ ثٜىٰوَ مُتَنٜىٰنْسَ بَسُ دَ لَيْڢِے، ذَيْ كُوَ جِ تَوْسَيِنْ مَاسُ حِدِمَرْسَ؞ 15 غُمَكَنْ أَلْعُمَّيْ ظِينَارِيَ نٜىٰ دَ أَظُرْڢَا، عَيْكِنْ حَنُّوَنْ یَنْ أَدَمْ؞ 16 سُنَدَ بَكُنَ، عَمَّا بَاسَ مَغَنَ، سُنَدَ إِدَانُو، عَمَّا بَاسَ غَنِ؞ 17 سُنَدَ كُنُّوَ، عَمَّا بَاسَجِ، بَا كُوَ نُمْڢَشِ عَبَاكِنْسُ؞ 18 مَاسُ ڧٜىٰرَسُ دَ دُكَنْ مَاسُ دُواْغَضَ غَرٜىٰسُ ذَاسُ ذَمَ كَمَرْسُ؞ 19 يَا كُو غِدَنْ إِسْرَٰٓءِيلَ، يَبِے يَهْوٜىٰهْ! يَا كُو غِدَنْ هَٰرُونَ، يَبِے يَهْوٜىٰهْ! 20 يَا كُو غِدَنْ لَوِ، يَبِے يَهْوٜىٰهْ! يَا كُو مَاسُ ڟُواْرُوانْ يَهْوٜىٰهْ، يَبِے يَهْوٜىٰهْ! 21 أَلْبَرْكَ تَا تَبَّتَا غَ يَهْوٜىٰهْ دَغَ سِهِيُواْنَ، شِے وَنْدَ يَكٜىٰ ذَمَ أَ عُرُوشَلِيمَ! يَبِے يَهْوٜىٰهْ! |
Hausa Common Language Ajami Bible © The Bible Society of Nigeria, 2020
Bible Society of Nigeria