زَبُورَا 132 - أَتَّوْرَتْ دَ أَنَّبَاوَا

وَاڧَ غَمٜىٰدَ بِرْنِنْ سَرْكِے

﴿وَاڧَرْ هَوْرَاوَا ذُوَا سُجَّدَ؞﴾

¹ يَا يَهْوٜىٰهْ، تُنَ دَ دَاوُدَ، دَ دُكَنْ جِمْرٜىٰوَرْسَ ثِكِنْ وَهَلُواْلِ؞

² تُنَ دَ يَدَّ يَرَنْڟٜىٰوَ يَهْوٜىٰهْ دَ ضَنْڟُوَارْسَ غَ مَيْ إِيكُواْ نَ يَعْڧُوبَ ثٜىٰوَ

³ ‏«‏بَذَنْ جٜىٰ غِدَا بَ، بَذَنْ هَوْ غَدُواْنَ بَ،

⁴ بَذَنْ بَا عِدَنُونَ بَرْثِ بَ، بَذَنْ مَا بَ ڢَتَرْ عِدُواْنَ هُوتُبَ،

⁵ سَيْ نَا سَامِ وَ يَهْوٜىٰهْ وُرِے، وُرِنْ ذَمَ دُواْمِنْ مَيْ إِيكُواْ نَ يَعْڧُوبَ؞»‏

⁶ غَاشِ، مُنْ جِثٜىٰوَ عَݣُوتِنْ يَرْجٜىٰجٜىٰنِيَ يَنَ أَ بَيْتَلَحْمِ، مُنْ كُوَ سَامٜىٰشِ أَ ڢِيلَيٜىٰنْ يَعَرْ؞

⁷ مُكَثٜىٰ، ‏«‏بَرِ مُجٜىٰ وُرِنْ ذَمَنْ يَهْوٜىٰهْ، بَرِ مُرُسُنَ أَغَبَنْسَ؞»‏

⁸ يَا يَهْوٜىٰهْ، تَاشِ ذُوَا غِدَنْ هُوتُنْكَ، كَيْ دَ عَݣُوتِنْ نُونَ إِيكُوانْكَ؞

⁹ بَرِ ڢِرِسْتُواْثِنْكَ سُسَنْيَ أَيُّكَنْ أَدَلْثِے، بَرِ مَاسُ ڧَوْنَرْكَ سُتَادَ مُرْيَرْ ڢَضٍ ثِكِ؞

¹⁰ سَبُواْدَ بَاوَنْكَ دَاوُدَ كَدَ كَجُويَرْدَ ڢُسْكَرْكَ دَغَ وَنْدَ كَكٜىٰٻٜىٰ؞

¹¹ يَهْوٜىٰهْ يَايِ وَ دَاوُدَ، تَبَّتَاثِّيَرْ ضَنْڟُوَا، ضَنْڟُوَارْ دَ بَذَيْ جَنْيٜىٰبَ، يَثٜىٰ، ‏«‏طَيَ دَغَ ثِكِنْ یَیَنْكَ مَظَا ذَنْ كَڢَشِ عَكُجٜىٰرَرْ مُلْكِنْكَ؞

¹² عِدَنْ یَیَنْكَ مَظَا سُنْ كِيَايٜىٰ يَرْجٜىٰجٜىٰنِيَتَ دَ كُمَ ڧَٰعِدُواْدِنَ دَ نَكُواْيَ مُسُ، یَیَنْسُ مَظَا سُو مَا ذَاسُ ذَوْنَ عَكُجٜىٰرَرْ مُلْكِنْكَ حَرْ أَبَدَا؞»‏

¹³ غَمَا يَهْوٜىٰهْ يَذَاٻِ سِهِيُواْنَ، يَيِ مَرْمَرِنْتَ تَذَمَ وُرِنْ ذَمَنْسَ؞

¹⁴ يَثٜىٰ، ‏«‏وَنَّنْ غِدَنْ هُوتُنَ نٜىٰ حَرْ أَبَدَا، أَنَنْ ذَنْ ذَوْنَ غَمَا إِنَ مَرْمَرِنْسَ؞

¹⁵ دَ عَبِنْثِ عَيَلْوَثٜىٰ ذَنْ أَلْبَرْكَثٜىٰشِ، دَ غُرَاسَ ذَنْ ڧُواْسَرْدَ مَاسُ بُڧَاتَرْسَ؞

¹⁶ ڢِرِسْتُواْثِنْسَ ذَنْ سَنْيَ مُسُ أَيُّكَنْ ثٜىٰتُواْ، مَاسُ ڧَوْنَتَ كُمَ ذَاسُ تَادَ مُرْيَرْ ڢَضٍ ثِكِ؞

¹⁷ عَثَنْ ذَنْسَا ڧَرْڢِنْ دَاوُدَ يَكَڢُ، كَمَرْ ڢِتِلَ مَيْثِ حَرْ أَبَدَا، نَشِرْيَ سَرْكِنْدَ نَكٜىٰٻٜىٰ؞

¹⁸ أَبُواْكَنْ غَابَنْسَ ذَنْ رُڢٜىٰ دَ كُنْيَا، عَمَّا عَكَنْسَ ذَنْسَا هُولَرْ مُلْكِنْسَ تَيِ وَلْڧِيَ؞»‏