زَبُورَا 13 - أَتَّوْرَتْ دَ أَنَّبَاوَا

كُوكَا نَ مَيْ دُواْغَضَ غَ اللَّهْ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ حَرْ يَوْشٜىٰ ذَاكَ مَنْتَادَنِے، يَا يَهْوٜىٰهْ؟ حَرْ يَوْشٜىٰ ذَاكَ ٻُواْيٜىٰ ڢُسْكَرْكَ؟ ذَيْ ذَمَ حَرْ أَبَدَا نٜىٰ؟

² حَرْ يَوْشٜىٰ ذَنْ جِمْرٜىٰ دَ وَهَلَرْ نَنْ، إِنْ ثِكَ دَ دَامُوَ أَ رَيْنَ دُكَنْ يِنِ؟ حَرْ يَوْشٜىٰ ذَاعَ بَرْ مَاسُ ڧِينَ سُيِ نَصَرَا عَكَيْنَ؟

³ دُوبٜىٰنِ، يَا يَهْوٜىٰهْ اللَّهْ نَا، كَأَمْسَ مِنِ!‏ كَسَا عِدَنُونَ سُيِ حَصْكٜىٰ، كَدَ كَبَرْ مُتُوَ تَرُڢٜىٰسُ؞

⁴ كَدَ مَاسُ ڧِينَ سُثٜىٰ، ‏«‏مُنْيِ نَصَرَا عَكَنْسَ؞»‏ كَدَ سُيِ ڢَضٍ ثِكِ سَبُواْدَ ڢَاطُوَتَ؞

⁵ عَمَّا نِے، نَدُواْغَرَ غَ ڧَوْنَرْكَ مَرَرْ ثَنْجَاوَا؞ ذُوثِيَاتَ ذَاتَيِ ڢَضٍ ثِكِ دُواْمِنْ كَثٜىٰثٜىٰنِ؞

⁶ ذَنْ رٜىٰرَ وَاڧَا غَ يَهْوٜىٰهْ، غَمَا يَنَ نُونَ مِنِ أَلْحٜىٰرِ سُواْسَيْ؞