زَبُورَا 129 - أَتَّوْرَتْ دَ أَنَّبَاوَا

أَدُّعَرْ يِنْ غَابَادَ أَبُواْكَنْ غَابَنْ إِسْرَٰٓءِيلَ

﴿وَاڧَرْ هَوْرَاوَا ذُوَا سُجَّدَ؞﴾

¹ ‏«‏تُنْ ڧُرُثِيَتَ سُنَ بَانِ وَهَلَ سُواْسَيْ،»‏ يَا كُو مُتَنٜىٰنْ إِسْرَٰٓءِيلَ، كُيِ تَمَيْمَيْتَ وَنَّنْ!‏

² ‏«‏تُنْ ڧُرُثِيَتَ سُنَ بَانِ وَهَلَ سُواْسَيْ، عَمَّا بَسُثِ نَصَرَا عَكَيْنَبَ؞

³ سُكَسَا مِنِ رَوْنُكَ مَاسُ ظُرْڢِ عَبَايَنَ، سُكَ مَيْدَشِ كَمَرْ غُواْنَرْ دَ عَكَ نُواْمٜىٰ؞»‏

⁴ عَمَّا يَهْوٜىٰهْ مَيْ أَدَلْثِے نٜىٰ، يَيَيَّنْكَ مِنِ إِغِيُواْيِنْ مَاسُ مُغُنْتَا؞

⁵ بَرِ أَ سَا دُكَنْ مَاسُ ڧِنْ سِهِيُواْنَ، سُشَا كُنْيَا سُجُويَا بَايَ؞

⁶ بَرِ سُذَمَ كَمَرْ ثِيَوَ، وَدَّ تَڟِيرَا عَكَنْ طَاكِ، تَكَنْ بُوشٜىٰ كَاڢِنْ مَا تَيِغِرْمَ،

⁷ وَدَّ بَتَثِكَ حَنُّنْ مَيْ غِرْبِبَ، كُواْ حَنُّوَنْ مَاسُ تَارَ دَمِ؞

⁸ كَدَ مَا مَاسُ وُثٜىٰوَ سُيِ غَيْسُوَا ثٜىٰوَ ‏«‏بَرِ أَلْبَرْكَرْ يَهْوٜىٰهْ تَكَسَنْثٜىٰ عَكَنْكُ، مُنَسَا مُكُ أَلْبَرْكَ عَثِكِنْ سُونَنْ يَهْوٜىٰهْ!‏»‏