زَبُورَا 127 - أَتَّوْرَتْ دَ أَنَّبَاوَا

حِكِمَرْ دُواْغَضَ غَ اللَّهْ

﴿وَاڧَرْ هَوْرَاوَا ذُوَا سُجَّدَ؞ زَبُورَا تَ سُلَيْمَٰنُ؞﴾

¹ إِنْ بَ يَهْوٜىٰهْ نٜىٰ يَغِنَ غِدَا بَ، مَاسُ غِنِ سُنَ عَيْكِنْ بَنْظَنٜىٰ؞ إِنْ بَ يَهْوٜىٰهْ نٜىٰ يَيِ غَادِنْ بِرْنِنْ بَ، طَنْ سِنْتِرِ يَحَنَ كَنْسَ بَرْثِ عَبَنْظَ؞

² بَنْظَ نٜىٰ كُنَ تَاشِ دَ سَسَّڢٜىٰ كُنَ كُمَ كُواْمَ غِدَا دَ لَتِّ دُوانْ هُوتُ، كُنَ وَهَلَ دُواْمِنْ عَبِنْثِ، غَمَا يَكَنْ بَا ڧَوْنَتَتُّنْسَ بَرْثِ مَيْ لَاڢِيَ؞

³ حَڧِيڧَ، یَیَ ݣَوْتَا نٜىٰ كُمَ غَادُواْ نٜىٰ دَغَ وُرِنْ يَهْوٜىٰهْ، یَیَنْ ثِكِنْ مَثٜىٰ لَادَ نٜىٰ؞

⁴ كَمَرْ كِبِيُواْيِ أَ حَنُّنْ سُواْجَ حَكَنٜىٰ یَیَنْ دَ عَكَ حَيْڢَ عَڧُرُثِيَ؞

⁵ مَيْ أَلْبَرْكَ نٜىٰ وَنْدَ غِدَنْ كِبِيُواْيِنْسَ يَنَ ثِكٜىٰ دَسُو؞ بَذَيْ شَا كُنْيَابَ، سَعَدَّ يَكٜىٰ كَارٜىٰ كَنْسَ دَغَ أَبُواْكَنْ غَابَنْسَ أَوُرِنْ تَارُوَ عَڧُواْڢَرْ غَرِ؞