زَبُورَا 126 - أَتَّوْرَتْ دَ أَنَّبَاوَا

وَاڧَرْ مَاسُ دَاوُاْوَا دَغَ بَوْتَا

﴿وَاڧَرْ هَوْرَاوَا ذُوَا سُجَّدَ؞﴾

¹ دَ يَهْوٜىٰهْ يَمَيَرْ مَنَ دَ أَلْبَرْكُنْمُ، مُو مَاسُ دَاوُاْوَ سِهِيُواْنَ، يَذَمَ مَنَ كَمَرْ مُنَ مَڢَرْكِ!‏

² بَكُنَنْمُ سُنْثِكَ دَ دَارِيَا، هَرْسُنَنْمُ كُمَ دَ وَاڧُواْڧِنْ ڢَضٍ ثِكِ!‏ سَيْ عَكَيِ مَغَنَ عَثِكِنْ أَلْعُمَّيْ عَكَثٜىٰ، ‏«‏يَهْوٜىٰهْ يَا يِمُسُ مَنْيَنْ أَبُبُوَ؞»‏

³ عِ، يَهْوٜىٰهْ يَايِمَنَ مَنْيَنْ أَبُبُوَ، مُكَ كُوَ ثِكَ دَ ڢَضٍ ثِكِ؞

⁴ يَا يَهْوٜىٰهْ، سَابُنْتَامُ، مُو مَاسُ دَاوُاْوَ، كَمَرْ ٻُلُّواْوَرْ ضُوَ أَدَاجِ مَرَرْ ضُوَ؞

⁵ مَاسُ شُوكَ دَ هَوَيٜىٰ ذَاسُيِ غِرْبِے دَ وَاڧُواْڧِنْ ڢَضٍ ثِكِ؞

⁶ وَنْدَ يَڢِتَ يَنَ كُوكَا طَوْكٜىٰ دَ إِرِ دُوانْ شُوكَ، ذَيْ كُواْمَ يَنَ رٜىٰرَ وَاڧَرْ ڢَضٍ ثِكِ طَوْكٜىٰ دَ دَمِ دَمِ نَأَمْڢَانِنْ غُواْنَ؞