زَبُورَا 122 - أَتَّوْرَتْ دَ أَنَّبَاوَا

وَاڧَ غَمٜىٰدَ عُرُوشَلِيمَ

﴿وَاڧَرْ هَوْرَاوَا ذُوَا سُجَّدَ؞ زَبُورَا تَ دَاوُدَ؞﴾

¹ نَيِ مُرْنَ سَعَدَّ عَكَثٜىٰ مِنِ، ‏«‏مُجٜىٰ غِدَنْ يَهْوٜىٰهْ؞»‏

² يَنْذُ ڧَڢَاڢُنْمُ سُنَانَنْ عَثِكِنْ ڧُواْڢُواْڢِنْكِ، يَا عُرُوشَلِيمَ!‏

³ عُرُوشَلِيمَ تَا غِنُ، بِرْنِ نٜىٰ هَرْهَطٜىٰ أَوُرِے طَيَ،

⁴ عِنْدَ ظُرِيُواْيِ سُكَنْ هَوْرَ، ظُرِيُواْيِنْ يَهْوٜىٰهْ، بِسَغَ ڧَٰعِدَرْ دَ عَكَبَا إِسْرَٰٓءِيلَ، دُواْمِنْ سُمِيڧَ غُواْدِيَ غَ سُونَنْ يَهْوٜىٰهْ؞

⁵ غَمَا ثَنْ نٜىٰ كُجٜىٰرُنْ شَرِيعَ سُكٜىٰ، كُجٜىٰرُنْ مُلْكٍ غِدَنْ دَاوُدَ؞

⁶ يِ أَدُّعَ دُواْمِنْ سَلَمَرْ عُرُوشَلِيمَ، ‏«‏بَرِ مَاسُ ڧَوْنَرْكِ سُكَسَنْثٜىٰ دَ ݣُونْثِيَرْ رَيْ؞

⁷ بَرِ سَلَمَ تَكَسَنْثٜىٰ عَثِكِنْ كَتَنْ‌غَرْكِ، ذَمَنْ لَاڢِيَ كُمَ أَغِنٜىٰ غِنٜىٰنْكِ مَاسُ ڟَوُاْ؞»‏

⁸ سَبُواْدَ یَنْعُوَنَ دَ أَبُواْكَيْنَ، إِنَ أَدُّعَ دُواْمِنْ سَلَمَرْ عُرُوشَلِيمَ؞

⁹ سَبُواْدَ غِدَنْ يَهْوٜىٰهْ اللَّهْ نْمُ، إِنَ نٜىٰمَنْ أَلْحٜىٰرِنْتَ؞