زَبُورَا 121 - أَتَّوْرَتْ دَ أَنَّبَاوَا

وَاڧَرْ تَبَّثِنْ كِيَايٜىٰوَرْ اللَّهْ

﴿وَاڧَرْ هَوْرَاوَا ذُوَا سُجَّدَ؞﴾

¹ نَا تَادَ عِدَنُونَ وَجٜىٰنْ تُدَّيْ، دَغَ إِنَا نٜىٰ تَيْمَكُواْنَ ذَيْڢِتُواْ؟

² تَيْمَكُواْنَ ذَيْڢِتُواْ دَغَ وُرِنْ يَهْوٜىٰهْ، وَنْدَ يَيِ سَمَ دَ دُونِيَا؞

³ بَذَيْ بَرْ ڧَڢَرْكَ تَيِ سَنْڟِبَ، مَيْ كِيَايٜىٰكَ بَذَيْ يِبَرْثِبَ؞

⁴ غَاشِ، مَيْ كِيَايٜىٰ إِسْرَٰٓءِيلَ بَذَيْ يِ ڠَنْ‌ڠَطِ كُواْ بَرْثِبَ؞

⁵ يَهْوٜىٰهْ نٜىٰ مَيْ كِيَايٜىٰكَ، يَهْوٜىٰهْ نٜىٰ إِنُوَ عَبِسَنْكَ؞

⁶ رَانَ بَذَاتَ بُغٜىٰكَ ثِكِنْ يِنِ بَ، كُواْ وَتَ يَجَٰوُاْ مَسِيڢَ دَ دَرٜىٰ؞

⁷ يَهْوٜىٰهْ ذَيْ كِيَايٜىٰكَ دَغَ كُواْوَثٜىٰ مُغُنْتَا، ذَيْ كُمَ كِيَايٜىٰ رَنْكَ؞

⁸ يَهْوٜىٰهْ ذَيْ كِيَايٜىٰ شِغُواْوَرْكَ دَ ڢِتُواْوَرْكَ، يَنْذُ دَ حَرْ أَبَدَا؞