زَبُورَا 120 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُوانْ اللَّهْ

﴿وَاڧَرْ هَوْرَاوَا ذُوَا سُجَّدَ؞﴾

¹ عَثِكِنْ وَهَلَاتَ، نَيِ كِرَا غَ يَهْوٜىٰهْ، يَكُوَ أَمْسَ مِنِ؞

² ‏«‏يَا يَهْوٜىٰهْ، كُٻُتَرْ دَ رَيْنَ، دَغَ بَاكِ مَاسُ ڧَضْيَا دَ هَرْشٜىٰ مَاسُ رُوطُ؞»‏

³ مٜىٰنٜىٰنٜىٰ رِيبَرْ ڧَضْيَارْكُ؟ شِنْ، مٜىٰ ذَاعَيِ مُكُ، يَا كُو مَاسُ هَرْشٜىٰنْ رُوطُ؟

⁴ حُكُنْثِنْكُ كِبِيُواْيِنْ سُواْجَ نٜىٰ مَاسُ ڟِنِ دَ كُمَ غَرْوَشِنْ وُتَا جَاوُرْ!‏

⁵ كَيْتُواْنَ!‏ إِنَ كَمَرْ إِنَ ذَمَنْ بَڧُنْثِ أَ مٜىٰشٜىٰكْ، كَمَرْ نَذَوْنَ ثِكِنْ تٜىٰنْتُنَنْ كٜىٰدَرْ؞

⁶ ذَمَ ثِكِنْ مُتَنٜىٰنَّنْ، مُتَنٜىٰنْ دَ بَاسَ سُوانْ سَلَمَ، يَ إِشٜىٰنِ؞

⁷ نِے سَلَمَ نٜىٰ نَكٜىٰ نٜىٰمَ، عَمَّا إِنْ نَيِ مَغَنَ، سَيْ ڢَطَنٜىٰ سُكٜىٰ نٜىٰمَ؞