زَبُورَا 12 - أَتَّوْرَتْ دَ أَنَّبَاوَا

كُوكَنْ نٜىٰمَنْ تَيْمَكُواْ

﴿عُمَرْنِ غَ شُوغَبَنْ مَوَاڧَ:‏ عَيِتَ بِسَغَ ‏«‏شٜىٰمِنِتْ»‏؞ زَبُورَا تَ دَاوُدَ؞﴾

¹ تَيْمَكٜىٰمُ، يَا يَهْوٜىٰهْ!‏ غَمَا بَابُوَنِ مَيْ حَلِنْ اللَّهْ وَنْدَ يَرَغُ؞ مَاسُ ڢَطِنْ غَسْكِيَ سُنْ ٻَثٜىٰ دَغَ ثِكِنْ یَنْ أَدَمْ؞

² كُواْوَ يَنَيِ وَمَڨُوبْثِنْسَ ڧَضْيَا؞ سُنَ رُوطِنْ جُونَ دَ ذَاڧِنْ بَاكِ؞

³ يَا يَهْوٜىٰهْ، سَا هَرْشٜىٰنَّنْ مَيْ رُوطُ يَيِ شِضُ!‏ رُڢٜىٰ بَكُنَنَنْ مَاسُ تَاڧَمَ،

⁴ مَاسُ ثٜىٰوَ ‏«‏دَ بَاكِنْمُ ذَامُثِ نَصَرَا؞ ذَامُ ڢَطِ أَبِنْدَ مُكٜىٰسُواْ، وَ ذَيْ هَنَمُ؟»‏

⁵ يَهْوٜىٰهْ يَثٜىٰ، ‏«‏ڟَنَنْتَاوَرْ مَتَلَوْتَ، نَغَنِ، نِيشِ مَيْ ذَاڢِ نَمَاسُ بُڧَاتَ، نَجِ؞ تُواْ، يَنْذُ ذَنْ تَاشِ ذَنْ كِيَايٜىٰسُ بِسَغَ بُڧَاتَرْسُ!‏»‏

⁶ مَغَنَرْ يَهْوٜىٰهْ ظَلَّرْ غَسْكِيَثٜىٰ، مَغَنَرْسَ كَمَرْ ظَلَّرْ أَظُرْڢَاثٜىٰ، أَظُرْڢَرْ دَ عَكَ تَاثٜىٰ دَ وُتَا حَرْ سَوْ بَݣَويْ؞

⁷ يَا يَهْوٜىٰهْ، بَرِ كَكِيَايٜىٰمُ، دَغَ وَطَنَّنْ مُوغَيٜىٰ كَڟَرٜىٰمُ، كَڟَرٜىٰمُ حَرْ أَبَدَا؞

⁸ غَمَا عَكُواْوَنٜىٰ غٜىٰڢٜىٰ مُوغَيٜىٰ سُنَ يَٰوُاْ، تُنْدَ أَنَ طَوْكَكَ مُغُنْتَا ثِكِنْ یَنْ أَدَمْ؞