زَبُورَا 118 - أَتَّوْرَتْ دَ أَنَّبَاوَا

وَاڧَرْ غُواْدِيَ سَبُواْدَ نَصَرَا

¹ كُيِ غُواْدِيَ غَ يَهْوٜىٰهْ، غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏

² بَرِ مُتَنٜىٰنْ إِسْرَٰٓءِيلَ سُثٜىٰ، ‏«‏ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏»‏

³ بَرِ غِدَنْ هَٰرُونَ يَثٜىٰ، ‏«‏ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏»‏

⁴ بَرِ مَاسُ ڟُواْرُوانْ يَهْوٜىٰهْ سُثٜىٰ، ‏«‏ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏»‏

⁵ دَغَ ثِكِنْ عَذَابَتَ نَيِ كِرَا غَ يَهْوٜىٰهْ، يَهْوٜىٰهْ كُوَ يَأَمْسَ مِنِ، يَسَانِ عِنْدَ بَابُ حَڟَرِ؞

⁶ يَهْوٜىٰهْ يَنَ تَرٜىٰدَنِ، بَذَنْ جِڟُواْرُواْبَ، مٜىٰ مُتُمْ ذَيْ عِيَيِ مِنِ؟

⁷ يَهْوٜىٰهْ يَنَ تَرٜىٰدَنِ دُوانْ تَيْمَكُواْنَ، ذَنْ‌غَ ڢَاطُوَرْ أَبُواْكَنْ غَابَنَ؞

⁸ يَڢِ ݣَوْ أَ نٜىٰمِ وُرِنْ ٻُيَ ثِكِنْ يَهْوٜىٰهْ، دَ أَدُواْغَرَ غَ مُتُمْ؞

⁹ يَڢِ ݣَوْ أَ نٜىٰمِ وُرِنْ ٻُيَ ثِكِنْ يَهْوٜىٰهْ، دَ أَدُواْغَرَ غَ شُوغَبَنِّنْ مُتَنٜىٰ؞

¹⁰ دُكَنْ أَلْعُمَّيْ سُنْ كٜىٰوَيٜىٰنِ، ثِكِنْ سُونَنْ يَهْوٜىٰهْ نَشَرٜىٰسُ!‏

¹¹ سُنْ كٜىٰوَيٜىٰنِ، عِ، سُنْ كٜىٰوَيٜىٰنِ، ثِكِنْ سُونَنْ يَهْوٜىٰهْ نَشَرٜىٰسُ!‏

¹² سُنْ كٜىٰوَيٜىٰنِ كَمَرْ ڧُدَنْ ظُمَ، سُنْ مُتُ كَمَرْ وُتَا مَيْثِنْ ثِيَوَ، ثِكِنْ سُونَنْ يَهْوٜىٰهْ نَشَرٜىٰسُ!‏

¹³ أَنْ مَاڟَ مِنِ دَ ڟَنَنِ حَرْ نَيِكُسَ إِنْ ڢَاطِ، عَمَّا يَهْوٜىٰهْ يَا تَيْمَكٜىٰنِ؞

¹⁴ يَهْوٜىٰهْ نٜىٰ ڧَرْڢِينَ دَ إِيكُواْنَ، يَذَمَ مَيْ ثٜىٰتُواْنَ؞

¹⁵ مُرْيَرْ ڢَضٍ ثِكِ دَ نَصَرَا سُنَ إِيهُ عَثِكِنْ سَنْسَنِنْ مَاسُ أَدَلْثِے ثٜىٰوَ ‏«‏حَنُّنْ دَامَنْ يَهْوٜىٰهْ يَعَيْكَتَ مَنْيَنْ أَبُبُوَ،

¹⁶ حَنُّنْ دَامَنْ يَهْوٜىٰهْ يَطَغُ ثِكِنْ نَصَرَا، حَنُّنْ دَامَنْ يَهْوٜىٰهْ يَعَيْكَتَ مَنْيَنْ أَبُبُوَ!‏»‏

¹⁷ بَذَنْ مُتُ بَ، عَمَّا ذَنْ رَايُ إِنْيِ شٜىٰلَرْ أَيُّكَنْ يَهْوٜىٰهْ؞

¹⁸ يَهْوٜىٰهْ يَا بَانِ حُواْرُواْ ڨُورَيْ، عَمَّا بَيْ بَادَنِ غَ مُتُوَبَ؞

¹⁹ بُوطٜىٰ مِنِ ڧُواْڢُواْڢِنْ أَدَلْثِے، إِنْشِغَ ثِكِنْسُ إِنْيِ غُواْدِيَ غَ يَهْوٜىٰهْ!‏

²⁰ ڧُواْڢَرْ شِغَ وُرِنْ يَهْوٜىٰهْ كٜىٰنَنْ، مَاسُ أَدَلْثِے نٜىٰ ذَاسُ عِيَ شِغَ ثِكِ؞

²¹ ذَنْ غُواْدٜىٰ مَكَ غَمَا كَا أَمْسَ مِنِ، كَكُمَ ذَمَ مَيْ ثٜىٰتُواْنَ!‏

²² دُوڟٜىٰنْ دَ مَاسُ غِنِ سُكَڧِ، شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ؞

²³ وَنَّنْ عَيْكِنْ يَهْوٜىٰهْ نٜىٰ، أَبِنْ مَامَاكِ نٜىٰ كُوَ أَعِدَنُونْمُ!‏

²⁴ وَنَّنْ ثٜىٰ رَانَرْ دَ يَهْوٜىٰهْ يَيِ بَبَّنْ أَبُ، مُيِ مُرْنَ مُيِ ڢَضٍ ثِكِ عَثِكِنْتَ!‏

²⁵ يَا يَهْوٜىٰهْ، ثٜىٰثٜىٰمُ!‏ يَا يَهْوٜىٰهْ، كُٻُتَرْ دَمُو!‏

²⁶ أَلْبَرْكَ تَا تَبَّتَا غَ مَيْ ذُوَا ثِكِنْ سُونَنْ يَهْوٜىٰهْ!‏ مُنَ سَا مُكُ أَلْبَرْكَ دَغَ غِدَنْ يَهْوٜىٰهْ؞

²⁷ يَهْوٜىٰهْ شِينٜىٰ اللَّهْ، يَكُمَ بَامُ حَصْكٜىٰ؞ تَرٜىٰدَ غَنْيٜىٰنْ ڨُورَ أَ حَنُّوَنْكُ كُيِ لَيِ نَبِكِ كُنَ هَوْرَاوَا حَرْ ذُوَا ڧَهُواْنِنْ بَغَدٜىٰ؞

²⁸ كَيْ نٜىٰ اللَّهْ نَا، ذَنْيِمَكَ غُواْدِيَ، كَيْنٜىٰ اللَّهْ نَا، ذَنْ غِرْمَمَكَ؞

²⁹ كُيِ غُواْدِيَ غَ يَهْوٜىٰهْ، غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ!‏