زَبُورَا 114 - أَتَّوْرَتْ دَ أَنَّبَاوَا

وَاڧَرْ بِكٍ ڧٜىٰتَرٜىٰوَ

¹ سَعَدَّ مُتَنٜىٰنْ إِسْرَٰٓءِيلَ سُكَ ڢِتُواْ دَغَ ڧَسَرْ مَصَرْ، سَعَدَّ غِدَنْ يَعْڧُوبَ سُكَ رَبُ دَ مُتَنٜىٰنْ وَنِ بَڧُوانْ يَرٜىٰ،

² يَهُودَ يَذَمَ وُرِنْ ذَمَ مَيْ ڟَرْكِے نَ اللَّهْ إِسْرَٰٓءِيلَ كُوَ أَبِنْ مُلْكِنْسَ؞

³ جَنْ تٜىٰكُ تَغَنْسُ تَغُدُ، كُواْغِنْ يُواْدَنْ يَجَا دَ بَايَ؞

⁴ مَنْيَنْ تُدَّيْ سُكَيِ تَڟَلّٜىٰ كَمَرْ رَغُنَ، دُوَڟُو كُمَ كَمَرْ یَنْ تُمَكِ؞

⁵ يَا كٜىٰ تٜىٰكُ، مٜىٰ يَڢَرُ دَ كِكَ غُدُ؟ كَيْ كُواْغِنْ يُواْدَنْ دَ كَجَا دَ بَايَ؟

⁶ كُو مَنْيَنْ تُدَّيْ، دَ كُكَيِ تَڟَلّٜىٰ كَمَرْ رَغُنَ؟ كُو دُوَڟُو كُمَ، كَمَرْ یَنْ تُمَكِ؟

⁷ كٜىٰ دُونِيَا، كِيِ ضَوَرْ جِكِے أَغَبَنْ يَهْوٜىٰهْ، أَغَبَنْ اللَّهْ نَ يَعْڧُوبَ،

⁸ وَنْدَ يَمَيْدَ دُوڟٜىٰ تَڢْكِنْ ضُوَ، دُوڟٜىٰ مَيْ ڧَرْڢِے كُمَ مَٻُٻُّغَرْ ضُوَ؞