زَبُورَا 112 - أَتَّوْرَتْ دَ أَنَّبَاوَا

أَلْبَرْكُنْ مَيْ أَدَلْثِے

¹ يَبِے يَهْوٜىٰهْ!‏ مَيْ أَلْبَرْكَ نٜىٰ مُتُمِنْ دَيَكٜىٰ ڟُواْرُوانْ يَهْوٜىٰهْ، وَنْدَ يَكٜىٰ جِنْ دَاطِے سُواْسَيْ ثِكِنْ عُمَرْنَنْسَ!‏

² ذُرِيَرْسَ ذَاسُ ذَمَ مَاسُ غِرْمَ ثِكِنْ ڧَسَرْ، ڟَارَرْ نَنْ مَاسُ غَسْكِيَ أَ ظُوثِ ذَاسُ سَامِ أَلْبَرْكَ؞

³ أَرْزِڧِ دَ دُوكِيَ سُنَ ثِكِنْ غِدَنْسَ، أَدَلْثِنْسَ كُوَ يَتَبَّتَا حَرْ أَبَدَا؞

⁴ شِ حَصْكٜىٰ نٜىٰ مَيْ تَاسُواْوَ ثِكِنْ دُهُ غَ مَاسُ غَسْكِيَ أَ ظُوثِ، مَيْ أَلْحٜىٰرِ نٜىٰ دَ تَوْسَيِ دَ أَدَلْثِے كُمَ؞

⁵ أَلْحٜىٰرِ ذَيْ كَسَنْثٜىٰ تَرٜىٰدَ مُتُمْ مَيْ بَادَ بَاشِ حَنُّ سَكٜىٰ، مَيْ بِيدَ أَيُّكَنْسَ ثِكِنْ غَسْكِيَ؞

⁶ حَڧِيڧَ بَذَيْجِجِّغُ بَ، مَيْ أَدَلْثِنَّنْ ذَاعَ تُنَ دَشِ حَرْ أَبَدَا؞

⁷ بَايَ ڟُواْرُوانْ جِنْ مُوغُنْ لَابَرِ، ذُوثِيَارْسَ تَكَڢُ دَرَمْ ثِكِنْ دُواْغَضَ غَ يَهْوٜىٰهْ؞

⁸ ذُوثِيَارْسَ تَكَڢُ بَابُ جِنْ ڟُواْرُواْ، عَڧَرْشٜىٰ ذَيْ غَ نَصَرَا عَكَنْ أَبُواْكَنْ غَابَنْسَ؞

⁹ يَكَنْ بَايَرْ غَ مَاسُ بُڧَاتَ حَنُّ سَكٜىٰ، أَدَلْثِنْسَ يَتَبَّتَا حَرْ أَبَدَا، ذَيْ ذَمَ مَيْ إِيكُوانْ دَ عَكٜىٰ غِرْمَمَ؞

¹⁰ مُوغُ ذَيْ غَنِ يَجِ ڢُشِے، ذَيْثِجِ هَڧُواْرَنْسَ، يَشُوطٜىٰ؞ نِيَّرْ مُوغُ ذَاتَ ذَمَ بَنْظَ؞