زَبُورَا 111 - أَتَّوْرَتْ دَ أَنَّبَاوَا

وَاڧَرْ يَبُوانْ اللَّهْ

¹ يَبِے يَهْوٜىٰهْ!‏ ذَنْ غُواْدٜىٰ وَ يَهْوٜىٰهْ دَ دُكَنْ ذُوثِيَاتَ، عَثِكِنْ تَارُوانْ جَمَعَ مَاسُ غَسْكِيَ أَ ظُوثِ؞

² أَيُّكَنْ يَهْوٜىٰهْ دَ غِرْمَ سُكٜىٰ، مَاسُ جِنْ دَاطِنْسُ سُنَ تُنَانِ عَكَنْسُ؞

³ أَيُّكَنْسَ ثِكٜىٰ سُكٜىٰ دَ دَرَجَ دَ طَوْكَكَ، أَدَلْثِنْسَ كُوَ يَتَبَّتَا حَرْ أَبَدَا؞

⁴ يَسَ عَتُنَ دَ أَيُّكَنْسَ نَبَنْ مَامَاكِ، يَهْوٜىٰهْ مَيْ أَلْحٜىٰرِ نٜىٰ مَيْ تَوْسَيِ كُمَ؞

⁵ يَكَنْ بَا مَاسُ ڟُواْرُوانْسَ عَبِنْثِ، كُلُّمْ يَنَ تُنَ دَ يَرْجٜىٰجٜىٰنِيَرْسَ؞

⁶ يَنُونَ وَ جَمَعَرْسَ إِيكُوانْ أَيُّكَنْسَ تَوُرِنْ بَاسُ غَادُوانْ أَلْعُمَّيْ؞

⁷ أَيُّكَنْ حَنُّوَنْسَ مَاسُ أَمِنْثِ نٜىٰ دَ غَسْكِيَ، دُكَنْ ڧَٰعِدُواْدِنْسَ كُمَ أَبِنْ دُواْغَضَ نٜىٰ،

⁸ تَبَّتَاتُّ نٜىٰ حَرْ أَبَدَا أَبَدِنْ، ثِكَكُّ كُمَ ثِكِنْ أَمِنْثِ دَ غَسْكِيَ؞

⁹ يَعَيْكُواْ ثٜىٰتُواْ غَ جَمَعَرْسَ، يَكَڢَ يَرْجٜىٰجٜىٰنِيَرْسَ حَرْ أَبَدَا؞ سُونَنْسَ مَيْ ڟَرْكِے نٜىٰ مَيْ بَنْ ڟُواْرُواْ؞

¹⁰ ڟُواْرُوانْ يَهْوٜىٰهْ مَڢَارِنْ حِكِمَ نٜىٰ، دُكَنْ مَاسُبِنْسَ ذَاسُ سَامِ ݣَكْݣَوَرْ ڢَهِمْتَ؞ يَبُوانْسَ يَتَبَّتَا حَرْ أَبَدَا!‏