زَبُورَا 110 - أَتَّوْرَتْ دَ أَنَّبَاوَا

وَاڧَرْ كٜىٰٻٜىٰوَرْ سَرْكِے

﴿زَبُورَا تَ دَاوُدَ؞﴾

¹ يَهْوٜىٰهْ يَثٜىٰ وَ عُبَنْ‌غِجِنَ، ‏«‏ذَوْنَ نَنْ أَدَمَنَ سَيْنَا سَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞»‏

² يَهْوٜىٰهْ ذَيْ مِيڧَ سَنْدَنْ مُلْكِنْكَ، دَغَ سِهِيُواْنَ ذَاكَيِ مُلْكِ بِسَ دُكَنْ أَبُواْكَنْ غَابَنْكَ كٜىٰوَيٜىٰ دَكَيْ!‏

³ دَ يَرْدَرْ رَيْ، مُتَنٜىٰنْكَ ذَاسُ مِيڧَ كَنْسُ، أَ رَانَرْدَ كَبِے دَ سُواْجُواْجِنْكَ سَنْيٜىٰ دَ دَرَجَ دَ طَوْكَكَ؞ كَمَرْ يَدَّ رَٻَرْ ٻُلُّواْوَرْ سَاڢِيَ تَنَ كَٰوُاْ سَابُنْتَاوَا، حَكَ ڧُرُثِيَرْكَ ذَاتَ ٻُلُّواْ مَكَ؞

⁴ يَهْوٜىٰهْ يَايِ ضَنْڟُوَا بَذَيْ ثَنْجَ رَعَيِنْسَبَ ثٜىٰوَ ‏«‏كَيْ ڢِرِسْتِنٜىٰ نَهَرْ أَبَدَا، بِسَغَ ڟَارِنْ مَلْكِصَدِڧْ؞»‏

⁵ عُبَنْ‌غِجِ يَنَ أَ حَنُّنْ دَامَنْكَ، ذَيْ ڢَرْڢَسَ سَرَاكُنَ أَ رَانَرْ ڢُشِنْسَ؞

⁶ ذَيْ يَنْكٜىٰوَ أَلْعُمَّيْ شَرِيعَ، يَثِثِّكَسُ دَ غَوَوَّكِ، ذَيْ ڢَرْڢَشٜىٰ كَوُنَنْ أَبُواْكَنْ غَابَنْسَ كُواْعِنَ عَدُونِيَا؞

⁷ ذَيْ شَا ضُوً رَاڢِنْ بَاكِنْ حَنْيَ، ذَيْ تَادَكَيْ ثِكِنْ نَصَرَا؞