زَبُورَا 11 - أَتَّوْرَتْ دَ أَنَّبَاوَا

وَاڧَرْ دُواْغَضَ غَ يَهْوٜىٰهْ

﴿عُمَرْنِ غَ شُوغَبَنْ مَوَاڧَ:‏ زَبُورَا تَ دَاوُدَ؞﴾

¹ يَهْوٜىٰهْ نٜىٰ وُرِنْ ٻُيَنَ؞ دُوانْمٜىٰ ذَاكَثٜىٰ مِنِ، ‏«‏تَاشِ كَمَرْ ڟُنْڟُ كَتَڢِے كَنْ دُوَڟُو!‏

² غَاشِ، مُوغَيٜىٰ سُنْ ڠَرَ بَكَنْسُ، سُكَ كُمَ عَوْنَ كِبِيُواْيِنْسُ، دُوانْ أَدُهُ سُهَرْبِے مُتَنٜىٰ مَاسُ غَسْكِيَ أَ ظُوثِ؞

³ مٜىٰ مَيْ أَدَلْثِے ذَيْ عِيَيِ، بَايَنْ تُوشٜىٰنْ دُواْكَا دَ عُواْدَ يَلَلَثٜىٰ؟»‏

⁴ يَهْوٜىٰهْ يَنَ أَ هَيْكَلِنْسَ مَيْ ڟَرْكِے، كُجٜىٰرَرْ مُلْكِنْسَ يَنَ ثِكِنْ سَمَ؞ عِدَنُونْسَ سُنَ غَنِنْ مُتَنٜىٰ عَكُواْعِنَ، يَنَ سَا عِدُواْ غَ أَيُّكَنْ یَنْ أَدَمْ؞

⁵ يَهْوٜىٰهْ يَكَنْ ڠُودَ مَيْ أَدَلْثِے دَ مَيْ مُغُنْتَا، عَمَّا يَكَنْڧِ مَيْ سُوانْ تَادَ حَنْكَلِ؞

⁶ ذَيْ عَيْكَ وَ مُوغَيٜىٰ وُتَا، دَ ڢَرَرْ وُتَا مَيْ وَرِ؞ إِسْكَ مَيْ ذَاڢِ سُواْسَيْ ذَاتَ ذَمَ ݣُوڢْ نَلَادَنْسُ؞

⁷ غَمَا يَهْوٜىٰهْ مَيْ أَدَلْثِے نٜىٰ، يَنَ ڧَوْنَرْ أَيُّكَنْ أَدَلْثِے، مَاسُ غَسْكِيَ أَ ظُوثِ ذَاسُ غَ ڢُسْكَرْسَ؞